Son Xəbər: Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur, Xəzər dənizində zəlzələ olub, Nazirlər Kabineti şagirdlərin geyim formasının standartlarını təsdiqləyib, Şakərindən əl çəkə bilməyən Ermənistan – köhnə havaya "oynayan" rəsmi İrəvan - ŞƏRH, "Zirə"nin legioner futbolçuları ölkələrinin milli komandalarına dəvət alıblar, İranın Ali Milli Təhlükəsizlik Şurası Rəşt-Astara dəmir yolunun tikintisi üzrə razılaşmanı təsdiqləyəcək, Zakir Həsənov Pakistana başsağlığı verib,

Kobaxidze: Məqsədimiz regionda sülh və sabitliyi təşviq etməkdir

Tarix: 30-12-2024, 14:46

Gürcüstan üçün regional əməkdaşlıq çox önəmlidir və ölkə, Azərbaycan, Ermənistan, eləcə də Türkiyə ilə münasibətləri inkişaf etdirir.

Bunu Gürcüstanın Baş naziri İrakli Kobaxidze "Səfirlər Konfransı 2024"ün bağlanış mərasimində deyib.

Onun sözlərinə görə, Gürcüstanın məqsədi regionda sülh və sabitliyi təşviq etməkdir, bunun üçün son illərdə bir çox mühüm addımlar atılıb və gələcəkdə də bu istiqamətdə işlər davam edəcək.

Baş nazir bildirib ki, hər bir sahə üzrə Gürcüstanın beynəlxalq mövqelərinin gücləndirilməsi vacibdir.

“Regional inteqrasiyanın mühüm mexanizmi olan "Orta Dəhliz" çərçivəsində qonşu ölkələrlə strateji layihələrin həyata keçirilməsi Cənubi Qafqazda sülhün təmin olunmasına kömək edəcək. Xoşbəxtlikdən, artıq qonşu ölkələrlə çox vacib strateji layihələrimiz var ki, bu da sülhün təşviqinə çox mühüm töhfə verir. Bu sahədə gələcəkdə də fəal iş aparılacaq”, - o əlavə edib.

Kobaxidze Asiya regionu ilə əməkdaşlığın artmasının “Orta Dəhliz” layihəsinə müsbət təsir edəcəyini vurğulayıb və Çinlə strateji tərəfdaşlıq müqaviləsi imzalandığını, bununla da iqtisadi əməkdaşlığın gücləndirildiyini qeyd edib.

O, həmçinin Hindistan, Yaponiya, Koreya və Yaxın Şərq ölkələri ilə münasibətlərin möhkəmləndiyini bildirib.