Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Türkiyə hökumətində mümkün dəyişikliklər əsas nazirləri əhatə etməyəcək

Tarix: 2-01-2025, 15:54

Türkiyə Nazirlər Kabinetində fevralın sonunadək gözlənilən dəyişikliklər beş əsas naziri əhatə etməyəcək.

Bu barədə "Türkiye" qəzeti məlumat yayıb.

Ölkə Prezidenti Rəcəb Tayyib Ərdoğanın rəhbərlik etdiyi hakim Ədalət və İnkişaf Partiyasındakı (AKP) mənbələr bildirib ki, beş-altı nazir vəzifəsindən azad edilə bilər. Bununla belə, vitse-prezident Cevdet Yılmaz, maliyyə naziri Mehmet Şimşek, xarici işlər və milli müdafiə nazirləri Hakan Fidan və Yaşar Güler, həmçinin ekologiya və şəhərsalma naziri Murat Kurum öz vəzifələrini saxlayacaqlar.

2024-cü ilin mart ayında keçirilən və müxalifətin qələbə qazandığı yerli hakimiyyət orqanlarına seçkilərdən sonra AKP-də islahatlar çərçivəsində həyata keçirilən dəyişikliklər həm partiyanın rəhbərliyini, həm də bələdiyyələri əhatə edəcək. Qəzetin məlumatına görə, kadr dəyişikliyinin fevralın sonunda keçirilməsi nəzərdə tutulan AKP qurultayına qədər başa çatdırılması planlaşdırılır.

Türkiyənin hazırkı Nazirlər Kabineti 2023-cü ilin may ayında keçirilmiş prezident və parlament seçkilərindən sonra həmin ilin iyun ayında formalaşdırılıb.