Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Zəncirvari qəza: BMV avtobusa çırpıldı...

Tarix: 4-01-2025, 11:39

Sumqayıtda 5 nəqliyyat vasitəsinin iştirakı ilə ağır yol-nəqliyyat hadisəsi baş verib.

Hadisə barədə açıqlama verən Baş Dövlət Yol Polisi İdarəsinin (BDYPİ) inspektoru polis baş leytenantı Elvin Hacıyev qəza ilə bağlı araşdırma aparıldığını bildirib.

“Yanvarın 4-ü səhər saat 06:54-də Sumqayıt şəhəri, Sülh küçəsi SOCAR yanacaqdoldurma məntəqəsinin yaxınlığında BMV markalı 77 CX 915 dövlət nömrə nişanlı avtomobillə "Sumqayıt Nəqliyyat" MMC-yə məxsus 10 saylı marşrut xətti üzrə işləyən "İsuzu" markalı 50 AE 809 dövlət nömrə nişanlı sərnişin avtobusu, 10 TJ 127 dövlət nömrə nişanlı "Leksus", 99 DS 119 dövlət nömrə nişanlı "Kia Rio", 10 ED 420 dövlət nömrə nişanlı VAZ-2107, 77 EE 359 dövlət nömrə nişanlı "Kia Ceed" markalı avtomobillər toqquşub.

Nəticədə BMV markalı avtomobildə olan sərnişin və "Kia Ceed" markalı avtomobilin sürücüsü yüngül xəsarət alıb.

Baş verən hadisə ilə bağlı araşdırma aparılır", - E.Hacıyev qeyd edib.