Son Xəbər: Sumqayıtda karton məmulatları zavodunda yanğın olub, İran, Çin və Rusiya BMT-ni Tehrana qarşı sanksiyaları bərpa etməməyə çağırıb, Mehriban Əliyeva “ŞƏT plyus” formatında görüşə qatılan dövlət və hökumət başçılarının xanımları ilə birlikdə gəmi gəzintisində iştirak edib - FOTO, Məhkəmə külli miqdarda rüşvət almaqda təqsirləndirilən sabiq hərbi komissarı ev dustaqlığına buraxılıb, Pakistan Ermənistanı tanıdı – Qarabağın azadlığının İrəvana açdığı yol - ŞƏRH, Sidneydə avtomobil Rusiya Baş Konsulluğunun qapısına çırpılıb, xəsarət alan var, Bu mərkəzi küçədə hərəkət qismən məhdudlaşdırılacaq, Sahibə Qafarova Türkiyəni təbrik etdi, Şahin Bağırov rəisi işdən çıxardı, Şüvəlanda yeni ictimai çimərliklər yaradıldı,

Bakıda "Yeni Keşlə Bazarı" TİKİLİR

Tarix: 9-01-2025, 15:22

Fevralın 1-ə qədər "Keşlə bazarı" kimi tanınan ticarət mərkəzi sökülməlidir. Söküntü işləri Həsən Əliyev küçəsindən Ziya Bünyadov prospektinə paralel olaraq metronun "Koroğlu" stansiyasına qədər yeni avtomobil yolunun tikintisi ilə əlaqədardır.

"Keşlə bazarı"nın satıcıları üçün Dərnəgüldə yerləşən "Eurohome" tikinti malları bazarında yer ayrılıb. Bu barədə satıcılar "Baku TV"yə məlumat verib.

"Hazırda orada bizim bazarın tikintisi gedir. Bayrama qədər vaxt verilsəydi, yaxşı olardı. Bu boyda bazar oraya necə yerləşəcək?!" - satıcı qeyd edib.

Onun sözlərinə görə, ticarət mərkəzinin köçürüləcəyi ərazi "Yeni Keşlə bazarı" adlandırılacaq.

Xatırladaq ki, yeni yolun tikintisi ilə əlaqədar olaraq tikinti altına düşən yaşayış və qeyri yaşayış obyektlərinin, həmçinin torpaq sahələrinin ölçüləri hazırlanıb və tikinti altına düşən maneələrin qiymətləndirilməsi işləri yerinə yetirilib.

Bu çərçivədə tikinti altında düşən yaşayış və qeyri yaşayış obyektlərinin, o cümlədən “Keşlə bazarı” kimi tanınan ticarət mərkəzinin də sökülməsi nəzərdə tutulur.

Sözügedən bazarda sahibkarlıq fəaliyyəti ilə məşğul olan vətəndaşların çoxsaylı müraciətləri nəzərə alınaraq bazarda söküntü işlərinin başlanılması 2025-ci ilin fevral ayının 1-nə qədər təxirə salınıb.