Son Xəbər: Beynəlxalq Münasibətlərin Təhlili və Multikulturalizm Mərkəzinin Nizamnaməsi təsdiqlənib, Sabah Bakıda 36, rayonlarda 39 dərəcə isti olacaq, Azərbaycan və Gürcüstan arasında "E-Permit" sisteminin tətbiqinə başlanılıb, Hikmət Hacıyev: Əminik ki, mediamız milli maraqlarımızın müdafiəsində səylərini əsirgəməyəcək, İran İordaniya və Bəhreyndəki ABŞ aviabazalarına zərbələr endirib, "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar,

Tramp Ukrayna və Qəzzadakı münaqişələri necə həll edəcəyini açıqlayıb

Tarix: 14-01-2025, 10:31

ABŞ-nin yeni seçilmiş Prezidenti Donald Tramp Ukrayna və Yaxın Şərqdəki münaqişələri necə həll edəcəyini açıqlayıb.

Bunu D.Tramp "Newsmax"a müsahibəsində deyib.

O, Ukrayna münaqişəsinin həlli üçün Rusiya Prezidenti Vladimir Putinlə görüşməli olduğunu söyləyib və hər iki liderin bu görüşü gözlədiyini qeyd edib.

"Bilirəm ki, Vladimir Putin görüşmək istəyir. Mən də tezliklə görüşmək istəyirəm. Amma əvvəlcə ABŞ prezidenti olmaq lazımdır", - o bildirib.

D.Trampın sözlərinə görə, görüşün keçirilməsini və münaqişənin həllini sürətləndirmək istəyi döyüş meydanında böyük insan tələfatı ilə bağlıdır.

ABŞ-nin yeni seçilmiş Prezidenti, həmçinin Qəzza sektorunda vəziyyətin nizamlanması ilə bağlı şərh verib. O qeyd edib ki, Qəzza sektorunda atəşkəs və HƏMAS-ın əlində olan girovların azad edilməsi ilə bağlı razılaşma tezliklə əldə olunacaq: "Biz bunu başa çatdırmağa çox yaxınıq. Onlar bunu etməlidirlər. Etməsələr, heç vaxt görmədikləri bir çox problemlərlə üzləşəcəklər".