Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Donald Tramp Kim Çen Inla əlaqə saxlayacağına söz verib

Tarix: 24-01-2025, 09:06

ABŞ Prezidenti Donald Tramp Şimali Koreya lideri Kim Çen Inla əlaqə saxlamağa söz verib, lakin mümkün təmasların təfərrüatlarını açıqlamayıb.

Bunu D.Tramp andiçmə mərasimindən sonra “Fox News” telekanalına verdiyi ilk müsahibəsində deyib.

“Kim Çen In ağıllı adamdır”, - Amerika lideri deyib.

“Onunla əlaqə saxlayacaqsınızmı?” sualına Tramp belə cavab verib: “Əlaqə saxlayacağam”.

Xatırladaq ki, 2018-ci ilin iyununda Sinqapurda tarixdə ilk dəfə ABŞ-KXDR sammiti keçirilib və nəticədə birgə sənəd qəbul edilib. Pxenyan bundan sonra Vaşinqtonun təhlükəsizlik zəmanəti müqabilində nüvəsizləşdirmə öhdəliyini götürüb. İkinci sammit 2019-cu ilin fevralında Hanoyda keçirilib. Tramp və Şimali Koreya lideri Kim Çen In bir neçə görüşdən sonra razılığa gələ bilməyib və ortaq sənəd imzalamayıblar. 2019-cu il iyunun 30-da Tramp və Kim Çen In arasında üçüncü görüş KXDR və Koreya Respublikası sərhəddində hərbsizləşdirilmiş zonada baş tutub. 5 oktyabr 2019-cu ildə ABŞ və Şimali Koreya rəsmiləri İsveçdə işgüzar səviyyədə görüşüblər, lakin danışıqlar nəticəsiz başa çatıb.