Son Xəbər: Azərbaycanla Tailand arasında ilk siyasi məsləhətləşmələr olub, Rusiyada bir neçə vaqon relsdən çıxıb, Azərbaycan Türkiyədən tekstil məhsullarının idxalına çəkdiyi xərci cüzi artırıb, Ərdoğan: Rusiya-Ukrayna münaqişəsində sülh uzaqda deyil, Rusiya bu gecə Ukraynaya son dövrlərin ən genişmiqyaslı hücumunu həyata keçirib, Təmir etdiyi maşının altında qalaraq öldü, Tayland–Kamboca sərhədində döyüşlər yenidən qızışıb, Qazaxıstanda qaz balonunun partlaması nəticəsində 2 nəfər ölüb, 11 nəfər yaralanıb, ABŞ, Ukrayna və “Avropa Üçlüsü”nün Parisdə keçiriləcək görüşü ləğv edilib, Bakıda "16-cı NATO günləri" keçirilib,

Qarabağ Universitetinin Klinikası yaradılıb

Tarix: 7-02-2025, 13:28

Qarabağ Universitetinin tabeliyində Qarabağ Universitetinin Klinikası publik hüquqi şəxs yaradılıb.

Bununla bağlı Prezident İlham Əliyev Fərman imzalayıb.

Fərmanda qeyd olunub ki, Klinika Qarabağ Universitetində tibb ixtisasları üzrə təhsil alan tələbələrin peşəkar kadr kimi hazırlanmasını təmin edən, tibb sahəsində elmi tədqiqatlar aparan, regionda əhalinin sağlamlığının qorunmasında iştirak edən publik hüquqi şəxsdir.

Klinikanın təsisçisinin səlahiyyətlərinin həyata keçirilməsi Azərbaycan Prezidentinə, Klinikanın yenidən təşkili və ləğv edilməsi isə Elm və Təhsil Nazirliyinə həvalə edilib.

Nazirlər Kabineti Fərmandan irəli gələn məsələləri həll etmək, Elm və Təhsil Nazirliyinə isə Klinikanın nizamnaməsini iki ay müddətində təsdiq etmək tapşırılıb.

Qarabağ Universitetinə Klinikanın saxlanılma xərclərinin maliyyələşdirilməsi üçün 5 milyon manat ayrılıb.

Klinika mərhələlərlə tam özünümaliyyələşdirmə səviyyəsinə çatanadək növbəti illərin dövlət büdcəsinin layihələrində Qarabağ Universitetinin fəaliyyətinin maliyyələşdirilməsinə ayrılacaq vəsaitlərdə Klinikanın saxlanılması xərcləri üçün zəruri maliyyə vəsaitinin nəzərdə tutulaması təmin ediləcək.