Son Xəbər: Azərbaycanda Dövlət Bayrağı Günüdür, Bakıdakı paradda nümayiş etdirilən silah sistemləri, texnikalar və aviasiya vasitələri Azərbaycanın hərbi qüdrətinin əyani göstəricisidir, Türkiyə Prezidenti: Qarabağda Azərbaycanın nələri bacardığına şahid olduq, Prezident İlham Əliyev: Azərbaycan heç vaxt işğalla barışmaq fikrində deyildi, Bakıda Zəfərin beşinci ilinə həsr olunan hərbi parad keçirilir - CANLI, Prezident və Mehriban Əliyeva Zəfər muzeyinin açılışında - FOTOLAR, İlham Əliyev və Mehriban Əliyeva Şəhidlər xiyabanını ziyarət etdilər - FOTOLAR, Prezident və birinci xanım Ulu Öndərin məzarını ziyarət etdilər - FOTOLAR, ABŞ və “C5+1” Orta Dəhlizlə "Tramp Marşrutu"nun əlaqələrini gücləndirir, Paşinyan: İlk addımda qəbul etməliydik ki, Qarabağ Azərbaycanın tərkibində olmalıdır, bu, mənim səhvim idi,

Azərbaycanda artıq fəxri adlar VERİLMİR

Tarix: 11-02-2025, 11:59

Azərbaycanda son illərdə bəzi sahələrdə fəaliyyət göstərən şəxslərə fəxri adların verilməsi dayandırılıb.

Sözügedən sahələrə jurnalist, müəllim və sənət adamları daxildir.

Belə ki, ölkəmizdə “Əməkdar jurnalist” və “Əməkdar müəllim”, "Xalq artisti" adları sonuncu dəfə 2022-ci ildə, "Əməkdar incəsənət xadimi", "Əməkdar artist" adları 2018-ci ildə verilib.

Fəxri adların verilməsinin dayandırıldığı rəsmi açıqlanmayıb. Ancaq Mədəniyyət Nazirliyindən bir müddət əvvəl bildirilib ki, qurumun dəsti-xətti ilə son üç ildə heç bir sənət adamına “Əməkdar” və “Xalq” fəxri adları verilməyib.

2023-cü ildə Prezident İlham Əliyevin fərmanı ilə Azərbaycan Mədəniyyət və İncəsənət Universitetinin rektoru, bəstəkar Emin Sabitoğlunun qızı Ceyran Mahmudovaya “Əməkdar mədəniyyət işçisi” adı verilsə də, bu ad nazirlik tərəfindən irəli sürülməyib.

Dövlət Statistika Komitəsinin 2024-cü il statistikasına əsasən ölkəmizdə 252 nəfər “Xalq” fəxri adına görə, 4 539 nəfər “Əməkdar” fəxri adına görə Prezident təqaüdü alır. "Xalq" fəxri adına görə ayda 200 manat, “Əməkdar” fəxri adına görə ayda 150 manat təqaüd verilir.

Qeyd edək ki, Azərbaycanda bəzi ictimai şəxslər fəxri adların Sovet dövründən qalan bir ənənə olduğunu və onların ləğv edilməsinin vacib olduğunu düşünürlər.