Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Bayraktar: "Türkmənistan qazının Türkiyəyə tədarükü martın 1-də başlayacaq"

Tarix: 11-02-2025, 15:22

Türkmənistana məxsus təbii qazın Türkiyəyə tədarükü bu il martın 1-də başlayacaq.

Bunu Türkiyənin energetika və təbii sərvətlər naziri Alparslan Bayraktar “X” sosial şəbəkəsindəki hesabında bildirib.

"Türkiyə ilə Türkmənistan arasında enerji əməkdaşlığında tarixi addım atılıb. BOTAŞ və “Türkmənqaz” arasında Türkmənistan qazının Türkiyəyə tədarükü ilə bağlı müqavilə imzalanıb. Müqavilə çərçivəsində qaz tədarükünün martın 1-də başlanması planlaşdırılır", - nazir bildirib.

Onun sözlərinə görə, sənədin imzalanması Türkiyə Prezidenti Rəcəb Tayyib Ərdoğanla Türkmənistanın Xalq Məsləhətinin sədri Qurbanqulu Berdimuhamedovun iştirakı ilə ötən ilin mart ayında Antalyada iki ölkə arasında qaz sahəsində əməkdaşlığın inkişafına dair imzalanmış Anlaşma Memorandumunun konkret nəticəsidir.

"Uzun illərdir üzərində işlədiyimiz bu müqavilə ölkəmizin və bütün regionun təbii qaz təchizatının təhlükəsizliyini gücləndirəcək, həmçinin Türkiyə ilə Türkmənistan arasında strateji əməkdaşlığı irəlilədəcək", - A.Bayraktar əlavə edib.