Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

ABŞ Ukraynanın enerji sisteminin bərpası üçün maliyyə yardımını dayandırıb

Tarix: 1-03-2025, 15:46

ABŞ Ukraynanın enerji infrastrukturunun bərpasına dəstəyi dayandırıb.

Bu barədə ABŞ Dövlət Departamenti yanında fəaliyyət göstərən ABŞ Beynəlxalq İnkişaf Agentliyindəki (USAID) mənbələr bildirib.

Mənbələrin bildirdiyinə görə, Dövlət Departamenti Rusiyanın zərbələrindən sonra Ukraynanın enerji sisteminin işini bərpa etmək üçün yüz milyonlarla dollar vəsaitin ayrıldığı USAID proqramını dayandırıb.

“Bu, administrasiyanın atəşkəslə bağlı danışıqlar aparmaq qabiliyyətini əhəmiyyətli dərəcədə sarsıdır və Rusiyaya açıq siqnal göndərir ki, Ukrayna və ya əvvəlki sərmayələrimizin aqibəti bizi maraqlandırmır”, - mənbələr deyib.

Onlar qeyd ediblər ki, Rusiya Ukraynada həm hərbi, həm də iqtisadi müharibə aparır.

“USAID-in Ukraynadan çıxması Ukraynanın enerji sistemini qışın şaxtasında Rusiyanın raket hücumlarına qarşı həssas edəcək”, - mənbələr bildiriblər.