Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Qırğızıstan Tacikistanla sərhəddə münaqişəli əraziləri mübadilə edib

Tarix: 6-03-2025, 09:37

Qırğızıstan Tacikistanla sərhədin delimitasiyası çərçivəsində vaxtaşırı münaqişəli vəziyyətlərin yarandığı əraziləri mübadilə edib.

Bunu Qırğızıstan Prezidenti Sadır Japarov "Kabar" agentliyinə müsahibəsində deyib.

"Torpaq mübadiləsi zamanı iki tərəf də strateji məqsədləri rəhbər tutmayıb. Biz yalnız daim münaqişələrin yarandığı əraziləri mübadilə etdik", - o, Tacikistanla sərhədin delimitasiyası haqqında fevralın 21-də imzalanmış sənədi şərh edərkən bildirib.

S.Japarovun sözlərinə görə, ölkələr arasında mübadilə edilən torpaq sahələri ya anklavlardır, ya da sərhəddə şahmat qaydası ilə yerləşib.

Qırğızıstan Prezidenti bildirib ki, Tacikistanla sərhəd məsələsi “əbədi həll olunub”: "Hər şey bitdi, nöqtə qoyuldu, hər iki tərəfin maraqları nəzərə alındı. Sərhəd haqqında çox şey demək olar. Amma hələ vaxtı deyil. Qoy hər şey başa çatsın və sonra deyərik. O zaman tarix bizi mühakimə edəcək. Əminəm ki, o bizə "əla" qiymət verəcək".