Son Xəbər: TƏBİB rəsmisi: Süd vəzi xərçəngi ilə bağlı keçirilən müayinələrin nəticələri ilin sonuna açıqlanacaq, Allahşükür Paşazadə Vatikanda Roma Papası ilə görüşəcək, Rusiyada ağır yol qəzası baş verib, ölən və yaralananlar var, Azərbaycan millisi Avropa çempionatının seçmə mərhələsində ikinci oyununa çıxacaq, Maaşlarımızdan bu qədər vergi tutulacaq, Küləkli hava şəraiti ilə bağlı sarı xəbərdarlıq verilib, Bəylər Eyyubovun təyinatı barədə xəbər TƏSDİQLƏNDİ, Onlayn qumar oyunlarında bank kartlarının alqı‑satqısını həyata keçirən dəstə üzvləri saxlanıb - VİDEO, Tbilisidə 2 kq uran almağa cəhd göstərən Çin vətəndaşları saxlanılıb, Orada hər həftə təxminən 7 min nəfər həlak olur - FACİƏ,

HHQ-nin helikopterləri şərti hava kəşfiyyatı aparıblar

Tarix: 12-03-2025, 16:42

2025-ci ilin hazırlıq planına əsasən, Hərbi Hava Qüvvələrinin (HHQ) helikopter bölmələri ilə təlim-məşq uçuşları keçirilib. Uçuş heyətlərindən hazırlıq barədə məruzələr qəbul edildikdən sonra pilotların təlim uçuşunun şərtləri və təhlükəsizlik qaydaları barədə nəzəri bilikləri yoxlanılıb.

Bu barədə Müdafiə Nazirliyi məlumat yayıb.

Qeyd edilib ki, daha sonra pilotlar helikopterlərə nəzarət baxışı keçiriblər.

Bazalanma aerodromlarından müəyyən edilmiş marşrutlar üzrə uçuşlar edən pilotlar plana uyğun olaraq, helikopterlərlə havaya qalxma və yerə enmə, hava kəşfiyyatının aparılması, hava və yerüstü hədəflərin aşkar edilməsi, komanda qərargah məntəqələri ilə əlaqələrin yaradılması, eləcə də digər fəaliyyətlər üzrə təlim tapşırıqlarını yerinə yetiriblər.

"Döyüş hazırlığı və praktiki vərdişlərin daha da artırılması məqsədilə keçirilən təlim-məşq uçuşlarında pilotlarımız yüksək peşəkarlıq nümayiş etdiriblər", - məlumatda vurğulanıb.