Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Fransada Ukraynanı dəstəkləyən qətnamə qəbul edilib

Tarix: 13-03-2025, 11:55

Fransa Milli Assambleyası (parlamentin aşağı palatası) Ukraynanın dəstəklənməsi üçün dondurulmuş Rusiya aktivlərinin müsadirə edilməsi və Kiyevin dəstəklənməsinə çağıran qətnamə qəbul edib.

Qətnamə simvolik xarakter daşıyır.

Sənədin lehinə 288 deputat səs verib, 54 parlament üzvü isə əleyhinə çıxıb.

Qətnaməni xüsusilə prezident partiyası "Renessans"ın deputatları, sosialistlər, "Ekoloqlar", sağçı "Respublikaçılar" partiyası və 2017-2020-ci illərdə baş nazir vəzifəsində çalışmış keçmiş baş nazir Eduard Filippin "Horizons" partiyasının parlament üzvləri dəstəkləyiblər. Solçu "Tabe olmayan Fransa" və Fransa Kommunist Partiyası əleyhinə səs verib. Marin Le Penin rəhbərlik etdiyi sağçı "Milli Birlik" fraksiyasının deputatları bitərəf qalıblar.

Ukraynaya yardımla yanaşı, qətnamə həmçinin Avropa İttifaqını müstəqil Avropa müdafiəsinin qurulmasına çağırır.