Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Ukrayna vətəndaşı olan qadınla azərbaycanlı bankir arasında qalmaqal - FOTO

Ukrayna vətəndaşı olan qadınla azərbaycanlı bankir arasında qalmaqal - FOTO

Tarix: 30-08-2022, 12:36

Ukrayna vətəndaşı olan qadınla azərbaycanlı bankir arasında qalmaqal - FOTO

Ukrayna vətəndaşı Valeriya Vitaliyevna Qurova ölkə rəhbərliyinə müraciət edərək Bank “BTB” ASC-də Müşahidə Şurası sədrinin müavini vəzifəsini tutan Cavid Zeynalovla bağlı tədbir görülməsini istəyib. Ölkə rəhbərliyinə yolladığı müraciətdə V.Qurova yazır ki, bu ilin fevralında Azərbaycan vətəndaşı Cavid Zeynalovla internet üzərindən tanış olub. 2 ay sonra Cavid Zeynalov Qurovanı Bakıya dəvət edərək işlə təmin edəcəyini bildirib.

Valeriya Qurova yazır ki, Ukraynada özünün qurduğu onlayn biznesinin olduğuna və digər iş yerinin varlığına görə Cavid Zeynalovun təklifinə razılıq verməyib. Dnepr Dövlət Universitetinin “Beynəlxalq menecment” fakültəsinin məzunu olan 24 yaşlı Qurova qeyd edir ki, Cavid Zeynalov ona həmin işləri Bakıda da görə biləcəyini bildirib, onunla ailə quracağını deyib. Bundan sonra V.Qurovanın valideynləri ilə Cavid Zeynalovun ailə üzvləri, bacısı Leyla təmas qurublar. Leyla Zeynalova Bakıdakı “Pakhlava”, “Baku Cafe Dubai”, “Sumakh”, “Baku Cafe”, “M’EAT” restoranlarının daxil olduğu “Beat Group” şəbəkəsinin direktorudur. Cavid Zeynalovun ailə üzvləri də Qurovanın yaxınlarını əmin ediblər ki, qızlarını rahat şəkildə Bakıya göndərə bilərlər, heç bir problem olmayacaq. Bununla belə Qurovanın atası Cavid Zeynalovdan xahiş edib ki, qızına 1 ay müddətində qüvvədə olacaq təyyarə bileti geriyə qayıtmaq üçün də alınsın. Cavid Zeynalov Qurovanın atasını əmin edib ki, onun evlənmək fikri ciddidir, qızını “Caspian Avto İmport” şirkətinə 1000 manat maaşla işlə də təmin edəcək.

Bakıya gəlməzdən əvvəl Qurova pasportunu, diplomunu Cavid Zeynalova göndərib ki, ölkəyə gəlişinə icazə alınsın. Bir müddət sonra Qurovaya baş nazir Şahin Mustafayevin imzası ilə ölkəyə gəlməyə icazə verilib. Qurova yazır ki, Bakıya gələndən sonra Cavid Zeynalov onu evlərinə aparıb və valideynləri, bacısı ilə tanış edib, onu yaşadıqları ünvana - Yasamal rayonu, Həsən bəy Zərdabi 190 ünvanında yerləşən “Melissa Park” yaşayış kompleksindəki mənzillərinə qeydiyyata aldırıb.

Bundan sonra Qurova Worldwide Education təhsil şirkətində Azərbaycan dili kurslarına yazılıb ki, “Caspian Avto İmport” şirkətində işə başlayarkən dil problemi olmasın. Həmin müddətdə Cavid Zeynalov Qurovaya “Caspian Avto İmport” şirkətinin veb-səhifəsini idarə etməyi tapşırıb. V.Qurova yazır ki, bundan sonra problemlər başlayıb, Cavid Zeynalov onun işə çıxması ilə bağlı suallarına cavab verməkdən yayınıb, israr etdikdə isə valideynlərinin gözü qarşısında təhqiramiz formada cavablar verib. V.Qurovanın sənədlərini əlindən alaraq onu Mərdəkandakı bağ evinə apararaq orada saxlayıb. İyun ayında isə “Caspian Avto İmport” şirkətinin BTB bankının nümayəndəsi Emil Rzayevə satıldığını, Qurova ilə şirkət arasındakı müqavilənin ləğv edildiyini deyib. Qurova deyir ki, şirkətlə heç bir müqavilə bağlamadığından və şirkətdən şəxsən pul almadığından müqavilə haqda deyilənlərdən şübhələnib. Düşünür ki, onun sənədləri əsasında hansısa maliyyə maxinasiyaları həyata keçirilə bilər. Buna görə də Azərbaycan Baş Prokurorluğuna müraciət etməklə onun sənədləri əsasında maliyyə maxinasiyalarının baş verib-verməməsini araşdırılması üçün müraciət edib. Bu ilin avqustunda Qurova “Caspian Avto İmport” şirkətinin ofisinə getmək istəyini bildirəndə, Cavid Zeynalov tərəfindən hədələnib və tez bir zamanda Azərbaycanı tərk etməsi tələb edilib. Bir neçə gün sonra Cavid Zeynalov Qurovanı evindən qovub, deyib ki, prokurorluğun 2-ci mərtəbəsində kabineti olan dostu Elçin vasitəsi ilə ona ciddi problemlər yaradacaq. Qurova Azərbaycanda mənzil kirayələyərək Cavid Zeynalovun onun sənədlərindən istifadə etməklə maliyyə maxinasiyaların edib-etməməsinin araşdırılmasına nail olmağa çalışır. Hüquq-mühafizə orqanlarından xahiş edir ki, ona qarşı təhdidlər araşdırılsın, tədbir görülsün.

“Yeni Müsavat”





RƏYLƏR


REKLAM

XƏBƏR LENTİ

POPULYAR XƏBƏRLƏR