Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

“Haber Global” XII Qlobal Bakı Forumunu Qafqazların "Münxen konfransı" kimi təqdim edib

Tarix: 14-03-2025, 18:58

Türkiyənin “Haber Global” telekanalı martın 13-də öz işinə başlayan XII Qlobal Bakı Forumu ilə bağlı süjet hazırlayıb.

Tədbiri Qafqazların "Münxen konfransı" kimi təqdim edən telekanal süjetdə həm Azərbaycan Prezidenti İlham Əliyev, həm də xarici işlər naziri Ceyhun Bayramovun forumda çox önəmli mesajlar verdiyini diqqətə çatdırıb:

"Dünən XII Qlobal Bakı Forumunun ilk günü idi. Həm Prezident İlham Əliyevin verdiyi mesajlar, həm də Azərbaycanın xarici işlər naziri Ceyhun Bayramovun Ermənistan- Azərbaycan arasında sülh sazişi barədə açıqlamaları diqqət çəkdi. Qeyd edək ki, Azərbaycan və Ermənistan arasında 17 maddəlik sülh müqaviləsinin 15 maddəsi üzrə razılaşma əldə olunmuşdu. Ceyhun Bayramov isə martın 13-də son iki maddə ilə bağlı da razılaşma əldə olunduğunu açıqladı".

Süjetdə həmçinin qeyd olunub ki, Azərbaycan Ermənistandan konstitutisiyasının yeniləməsini və ölkəsinə qarşı olan ərazi iddialarının əsas qanundan çıxarılmasını da gözləyir. Digər məsələ isə ATƏT-in keçmiş Minsk qrupunun ləğv edilməsi ilə bağlıdır.