Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

İmamoğlunu kim əvəz edəcək? - Səsvermə başladı

Tarix: 26-03-2025, 16:19

İstanbul Böyükşehir Bələdiyyə Başçısı Əkrəm İmamoğlunun həbs edilməsindən sonra bələdiyyə məclisi bu gün İmamoğlunun vəzifəsini müvəqqəti icra edəcək şəxsi müəyyən etmək üçün toplanıb.

CHP-nin namizədi Nuri Aslan və AKP-dən rəqibi Zeynel Abidin Okul bu vəzifə uğrunda mübarizə aparır.

Məclis üzvləri səsvermə prosesinə keçib.

İBB Məclisindəki bölgüyə əsasən, CHP-nin 176, AKP-nin 120, MHP-nin 6, Böyük Birlik Partiyasının 2 üzvü var, həmçinin bir müstəqil üzv yer alır. Bu mənzərəyə görə, məclisdə say üstünlüyü CHP-nin xeyrinə görünür.

Bələdiyyə Qanununun 45-ci maddəsinə əsasən, seçki Bələdiyyə Məclisi üzvləri arasında gizli səsvermə yolu ilə aparılacaq. İlk iki turda 2/3 səs çoxluğu tələb olunur. Əgər bu təmin edilməzsə, üçüncü turda sadə səs çoxluğu kifayət edəcək.

Seçkinin üçüncü turda yekunlaşması gözlənilir. Ancaq üçüncü turda da nəticə alınmazsa, ən çox səs toplayan iki namizəd arasında dördüncü səsvermə keçiriləcək. Əgər bərabərlik yaranarsa, qalib püşkatma yolu ilə müəyyən ediləcək.