Köçəryan Putinin Ermənistan üzrə kuratoru ilə görüşüb

Tarix: 12-04-2025, 11:53

Bu yaxınlara qədər Putinin administrasiyası rəhbərinin müavini Dmitri Kozak Ermənistan üzrə kurator olub, lakin təxminən bir ay əvvəl onu Rusiyanın keçmiş baş naziri Sergey Kiriyenko əvəzləyib. Kiriyenko həm də Abxaziya, Cənubi Osetiya və Moldova istiqamətlərini koordinasiya edir.

“Hraparak” qəzeti yazır ki, Putin administrasiyasında Ermənistan üzrə kuratorluğun Sergey Kiriyenkoya həvalə edilməsini məsələnin Kreml üçün önə çıxdığını göstərir.

"Bu, onu göstərir ki, Ermənistan Kreml üçün mühüm ölkəyə çevrilib və ona görə də bu sahəyə daha nüfuzlu məmur təyin olunub. Putin Kiriyenkoya güvənir, o, Kremldə çox məsuliyyətli və mühüm rol oynayır. Bu ay ərzində Kiriyenko vəziyyətlə tanış olur. Bu müddət ərzində o, bəzi erməni siyasi xadimləri ilə əlaqə saxlayıb, hətta bəziləri ilə görüşüb”, - nəşr qeyd edib.

Məlumatda o da bildirilib ki, Ermənistanın ikinci prezidenti Robert Köçəryan da Moskvaya gedib və Sergey Kiriyenko ilə görüşüb.