Son Xəbər: Azərbaycanda Dövlət Bayrağı Günüdür, Bakıdakı paradda nümayiş etdirilən silah sistemləri, texnikalar və aviasiya vasitələri Azərbaycanın hərbi qüdrətinin əyani göstəricisidir, Türkiyə Prezidenti: Qarabağda Azərbaycanın nələri bacardığına şahid olduq, Prezident İlham Əliyev: Azərbaycan heç vaxt işğalla barışmaq fikrində deyildi, Bakıda Zəfərin beşinci ilinə həsr olunan hərbi parad keçirilir - CANLI, Prezident və Mehriban Əliyeva Zəfər muzeyinin açılışında - FOTOLAR, İlham Əliyev və Mehriban Əliyeva Şəhidlər xiyabanını ziyarət etdilər - FOTOLAR, Prezident və birinci xanım Ulu Öndərin məzarını ziyarət etdilər - FOTOLAR, ABŞ və “C5+1” Orta Dəhlizlə "Tramp Marşrutu"nun əlaqələrini gücləndirir, Paşinyan: İlk addımda qəbul etməliydik ki, Qarabağ Azərbaycanın tərkibində olmalıdır, bu, mənim səhvim idi,

Qazaxıstan Əfqanıstana humanitar yardım göndərib

Tarix: 18-04-2025, 11:07

Qazaxıstan nümayəndə heyətinin aprelin 21-23-də Əfqanıstanın paytaxtı Kabilə səfəri planlaşdırılır.

Qazaxıstan nümayəndə heyətinə Baş nazirin müavini - milli iqtisadiyyat naziri Serik Jumanqarin başçılıq edəcək.

Məlumata görə, səfər zamanı Əfqanıstan rəsmiləri ilə görüşlər keçiriləcək, həmçinin Qazaxıstan mallarının sərgisi təşkil olunacaq.

Qarşıdakı səfər fonunda Qazaxıstan Əfqanıstana humanitar yardım göndərib. Yükün təhvil verilməsi Əfqanıstanın Bəlx vilayətindəki Hayraton dəmir yolu stansiyasında baş tutub. Tərkibində bitki yağı, buğda unu, düyü, qış və yay çadırları, yorğanlar olan humanitar yardımın ümumi həcmi 2,2 min ton təşkil edib.

Bildirilib ki, dərman vasitələrindən ibarət ayrı bir partiya Əfqanıstana hava nəqliyyatı ilə çatdırılacaq.

Qazaxıstanın Əfqanıstandakı müvəqqəti işlər vəkili Qaziz Akbasov qeyd edib ki, Astana Kabillə təkcə humanitar sahədə deyil, həm də faydalı qazıntıların hasilatı, nəqliyyat, logistika və kənd təsərrüfatı sahələrində əməkdaşlığı genişləndirməyə hazırdır.