Son Xəbər: Mahmud Səfəralıyev HƏBS EDİLDİ, Putin Hindistana getdi, ATƏT-in sədrindən Bakı və İrəvana MESAJ, Şuşada ifaçılıq mərkəzi tikiləcək, Ceyhun Bayramov: Azərbaycan və Ermənistan ikitərəfli münasibətlərdə dinc, sabit dövrü yaşayır, Ermənistanda dəyişməyən rejim – Qərbin görməzlikdən gəlmə taktikası - ŞƏRH, Azərbaycan və İraq neft-qaz əməkdaşlığını müzakirə edib, Norveç XİN başçısı Azərbaycan və Ermənistan arasında sülh prosesinin dəstəklənməsinə çağırıb, Ceyhun Bayramov Vyanada ATƏT XİNŞ-in iclasında iştirak edir, Prezident İlham Əliyev Birləşmiş Krallığın müdafiə üzrə dövlət nazirini qəbul edib,

Bu il TDT-yə üzv dövlətlərin müdafiə sənayesi institutlarının rəhbərlərinin ilk görüşü keçiriləcək

Tarix: 21-05-2025, 14:24

Müdafiə sənayesi sahəsində əməkdaşlıq üzrə bu il Türk Dövlətləri Təşkilatı (TDT) yeni bir təşəbbüsə başlayır.

Bunu "Report"a müsahibəsində TDT-nin Baş katibi Kubanıçbek Ömüraliyev bildirib.

Onun sözlərinə görə, 2025-ci ilin iyul ayında IDEF-2025 sərgisi çərçivəsində üzv dövlətlərin müdafiə sənayesi institutlarının rəhbərlərinin ilk görüşünün keçirilməsi planlaşdırılır:

"Bu tədbir çoxtərəfli müdafiə sənayesi əməkdaşlığına başlamaq baxımından mühüm bir addım olacaq. Bunun ardınca Türk dövlətlərinin müdafiə nazirlərinin ilk görüşünün təşkilinə hazırlıq işləri başlayacaq".

Baş katib onu da qeyd edib ki, TDT-nin 2022–2026-cı illər üzrə Strategiya sənədi də müdafiə sahəsində əməkdaşlıq üçün aydın məqsədləri müəyyən edir:

"Bu sənəddə müvafiq milli qurumlar və müdafiə sənayesi təşkilatları arasında texniki əməkdaşlığın gücləndirilməsi, hərbi innovasiya, müdafiə texnologiyaları və aviasiya sahələrində məlumat və təcrübə mübadiləsi mexanizmlərinin qurulması tövsiyə olunur".

Müsahibənin tam mətni ilə buradan tanış olmaq olar.