Son Xəbər: KİV: İsrail İordan çayının qərb sahilində öz suverenliyini elan edə bilər, Türk Dünyası Sığorta Birliyinin ilk Assambleyası bu il Şuşada keçiriləcək, Ərdoğan Putin və Zelenskinin hələlik görüşə hazır olmadığını bildirib, Ərdoğan: Zəngəzur dəhlizi məsələsində hər hansı bir problem, fikir ayrılığı yoxdur, Zakir Həsənov Vyetnamda hərbi paradda iştirak edib, Prezidentin Çində qaldığı hotelin heyəti ilə səmimi görüntüləri - Video, Türkiyə XİN-dən Minsk Qrupunun ləğvi ilə bağlı qərara - Münasibət, Məktəbli formaları ilə bağlı - Xəbərdarlıq, Abşeronun bu ərazilərində işıq KƏSİLƏCƏK, DİM-dən xəbərdarlıq: ixtisas seçimi bu gün başa çatır,

Daşkənd və Pekin Özbəkistanın ÜTT-yə daxil olması haqqında protokol imzalayıb

Tarix: 17-06-2025, 13:28

Daşkənd və Pekin Özbəkistanın Ümumdünya Ticarət Təşkilatına (ÜTT) daxil olması məsələləri üzrə ikitərəfli danışıqların başa çatması haqqında Protokol imzalayıblar.

Sənəd Özbəkistan Prezidenti Şavkat Mirziyoyev və Çin Sədri Si Cinpinin danışıqlarının yekunları üzrə imzalanıb.

Qeyd olunub ki, dövlət başçıları iyunun 17-də Astanada "Mərkəzi Asiya - Çin" sammiti çərçivəsində danışıqlar aparıblar.

Özbəkistan Prezidentinin mətbuat xidmətinin məlumatına görə, tərəflər dinamik inkişaf edən ticari-iqtisadi əməkdaşlığı qeyd ediblər: "2024-cü ildə əmtəə dövriyyəsi 14 milyard dollara çatıb. İnvestisiya layihələrinin portfeli 60 milyard dolları keçir".

"Özbəkistanın regionlarında birgə texnoparklar və xüsusi sənaye zonaları uğurla fəaliyyət göstərir, BYD markalı elektromobillərinin istehsalı genişlənir", - Prezidentin mətbuat xidmətinin məlumatında qeyd edilib.