Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Rusiyanın İsveçdəki Ticarət Nümayəndəliyi PUA hücumuna məruz qalıb

Tarix: 17-06-2025, 18:12

Rusiyanın İsveçdəki Ticarət Nümayəndəliyi pilotsuz uçuş aparatının (PUA) hücumuna məruz qalıb.

Bu barədə Rusiyanın İsveçdəki səfirliyinin məlumatında deyilir.

Hadisə iyunun 17-nə keçən gecə baş verib. Nümayəndəliyin ərazisi üzərindən uçan dron mərkəzi girişin qarşısındakı meydançaya boya paketi atıb.

"Bu hücum Rusiyanın İsveçdəki diplomatik missiyasının binalarına qarşı son vaxtlar baş verən oxşar hücumların davamıdır ki, bu da onun əməkdaşlarının təhlükəsizliyini təhdid edir və nümayəndəliyin əmlakına ziyan vurur", - məlumatda bildirilib.

Qeyd olunub ki, İsveç hakimiyyəti beynəlxalq hüquqi öhdəliklərin yerinə yetirilməsinin öhdəsindən gələ bilməyib.

Səfirlikdən bildirilib ki, ticarət nümayəndəliyi Rusiyanın İsveçdəki diplomatik missiyasının bir hissəsidir və Vyana Konvensiyasında nəzərdə tutulmuş immunitetlər və imtiyazlar idarənin ərazisinə şamil edilir. Konvensiyaya əsasən, qəbul edən dövlət xarici missiyaların toxunulmazlığını təmin etməyi öhdəsinə götürür.