Son Xəbər: KİV: Yaponiya və ABŞ sentyabrda təlim keçirəcək, Zəngəzur dəhlizi - iqtisadi dividendlərdən siyasi sabitliyə - TƏHLİL, 3 rayonda qaz kəsiləcək, Energetika naziri Samuxda vətəndaşları qəbul edəcək, Azərbaycan millisinin baş məşqçisinin mətbuat konfransı keçiriləcək, Ermənistan və Qırğızıstan XİN başçıları Vaşinqtonda əldə edilmiş razılaşmaları müzakirə ediblər, Küləki hava avqustun 29-dək davam edəcək, İlham Əliyev Ermənistanla sülh sazişinin imzalanmasının şərtini açıqlayıb, Azərbaycan nefti ucuzlaşıb, Xətai rayonunun bir hissəsinə suyun verilməsi müvəqqəti dayandırılacaq,

Gürcüstanın yeni iqtisadiyyat naziri təyin olunub

Tarix: 24-06-2025, 16:02

Gürcüstanın İqtisadiyyat və Davamlı İnkişaf naziri postuna Mariam Kvrivişvili təyin edilib.

Bu barədə ölkənin Baş naziri İrakli Kobaxidze hökumət administrasiyasında keçirilən brifinqdə məlumat verib.

Baş nazir bildirib ki, Mariam Kvrivişvili artıq ictimaiyyətə yaxşı tanınır və onun əlavə təqdimata ehtiyacı yoxdur:

“Kvrivişvili uzun illərdir iqtisadiyyat və aviasiya sahəsində fəaliyyət göstərir, nazir müavini kimi özünü təsdiqləyib. Əminəm ki, o, bu vəzifədə də uğur qazanacaq.”

Qeyd edək ki, Mariam Kvrivişvili hakim partiyanın siyasi şurasının üzvüdür, 2019–2020-ci illərdə Milli Turizm Administrasiyasına rəhbərlik edib, 2021-ci ildən isə iqtisadiyyat nazirinin müavini vəzifəsində çalışıb.

Xatırladaq ki, bu dəyişiklik Levan Davitaşvilinin iqtisadiyyat naziri vəzifəsindən istefa verməsindən sonra baş verib. O, bundan sonra Baş nazirin iqtisadi məsələlər üzrə baş müşaviri və İqtisadi Şuranın katibi vəzifələrində fəaliyyət göstərəcək.