Son Xəbər: Bakıda 32, rayonlarda 35 dərəcə isti olacaq, Prezident İlham Əliyev “Qobustan” Günəş Elektrik Stansiyasının açılışında iştirak edib, İlham Əliyev Auditorlar Palatasının üzvlərini və əməkdaşlarını təltif edib, İlham Əliyev Auditin inkişaf mərhələlərinə həsr edilən beynəlxalq konfransın iştirakçılarına müraciət göndərib, Zakir Həsənov 13-cü Pekin Syanşan Forumunda iştirak edib, Abbas Əraqçi və Van İ Pekində danışıqlar aparıblar, Hikmət Hacıyev Ərəb Media Forumunda iştirak edib, Nümayəndələr Palatası Trampdan İrana qarşı hərbi əməliyyatları dayandırmağı tələb edib, İlham Əliyev: Türk dünyası, Qafqaz, İslam aləmi bir yerdə olanda heç kim bizə bata bilməz, Sabah rayonlarda leysan yağacaq, dolu düşəcək - XƏBƏRDARLIQ,

Azərbaycan və Qazaxıstan İT sahəsində əməkdaşlığı dərinləşdirəcək

Tarix: 2-07-2025, 15:09

Qazaxıstan və Azərbaycan arasında ticari-iqtisadi münasibətlər müsbət istiqamətdə inkişaf edir.

Bu barədə “Report”un sualını cavablandırarkən Qazaxıstan Xarici Ticarət Palatasının sədr müavini Asan Cakişev Şuşa şəhərində keçirilən İqtisadi Əməkdaşlıq Təşkilatının (ECO) 6-cı biznes forumu çərçivəsində jurnalistlərə bildirib.

Onun sözlərinə görə, qarşılıqlı fəaliyyətin əsas istiqamətləri qida sənayesi, aqrar-sənaye kompleksi və energetika olaraq qalır.

"Bu sahələr iqtisadi əlaqələrimizin əsasını təşkil edir. Eyni zamanda, yeni istiqamətlərə, xüsusilə də informasiya texnologiyalarına artan maraq müşahidə edirik", - A.Cakişev qeyd edib.

O vurğulayıb ki, Qazaxıstan rəqəmsallaşma sahəsində əhəmiyyətli potensiala malikdir və Azərbaycan da daxil olmaqla Mərkəzi Asiya ölkələrini bu sahədə əməkdaşlığı gücləndirməyə çağırır.