Son Xəbər: Ermənistanda fəlakət: azərbaycanlıların geri qayıtması yeganə həll yoludur - XRONİKA, Birinci sinfə üzrlü səbəbdən gecikən uşaqların qəbulu başa çatıb, Binəqədinin bəzi ərazilərində qaz kəsiləcək, Gürcüstan Baş naziri: Azərbaycan sərhədinədək avtomagistralın inşası davam etdiriləcək, Putinlə Əhməd əl-Şaraa arasında görüş keçirilir, Zabitlərin ehtiyata buraxılma müddəti yeni qaydada müəyyənləşəcək, Tramp Putini doğum günü münasibətilə təbrik etməyib, Maliyyə Monitorinqi Xidmətinin işçilərinin say həddi artırılıb, İraqda deputatlığa namizəd sui-qəsd nəticəsində öldürülüb, Elçin Yusubov: Xankəndi və ətraf ərazilərə 65 mln. manat özəl investisiya cəlb edilib,

Çin və ASEAN yenilənmiş azad ticarət sazişini oktyabrda təqdim edəcək

Tarix: 12-07-2025, 14:36

Çin və ASEAN (Cənub-Şərqi Asiya Ölkələri Assosiasiyası) oktyabr ayında üzv ölkələrin liderlərinə azad ticarət sazişinin yenilənmiş variantını təqdim edəcəklər.

Bu barədə Çinin xarici işlər naziri Van Yi bildirib.

“Çin və ASEAN oktyabr ayında liderlərin təsdiqi üçün azad ticarət sahələrini təkmilləşdirmək haqqında pakt təqdim etməyə razılaşıb”, - o deyib.

Nazir həmçinin bildirib ki, hər iki tərəf Cənubi Çin dənizində davranış kodeksi, Pekinin və bir neçə ASEAN üzvünün üst-üstə düşən dəniz iddialarının olduğu regionda mübahisələrin həllinə yönəlmiş təlimatlar toplusu üzrə məsləhətləşmələri gələn il başa çatdırmağı hədəfləyib.

“Çin və ASEAN həm də gələcək illərdə iki tərəf arasında 40-dan çox sahədə əməkdaşlığı əks etdirən beşillik fəaliyyət planı haqqında razılığa gəlib”, - o vurğulayıb.