Son Xəbər: Ermənistanda fəlakət: azərbaycanlıların geri qayıtması yeganə həll yoludur - XRONİKA, Birinci sinfə üzrlü səbəbdən gecikən uşaqların qəbulu başa çatıb, Binəqədinin bəzi ərazilərində qaz kəsiləcək, Gürcüstan Baş naziri: Azərbaycan sərhədinədək avtomagistralın inşası davam etdiriləcək, Putinlə Əhməd əl-Şaraa arasında görüş keçirilir, Zabitlərin ehtiyata buraxılma müddəti yeni qaydada müəyyənləşəcək, Tramp Putini doğum günü münasibətilə təbrik etməyib, Maliyyə Monitorinqi Xidmətinin işçilərinin say həddi artırılıb, İraqda deputatlığa namizəd sui-qəsd nəticəsində öldürülüb, Elçin Yusubov: Xankəndi və ətraf ərazilərə 65 mln. manat özəl investisiya cəlb edilib,

TƏBİB: Son altı ayda 44 milyondan çox tibbi xidmət göstərilib

Tarix: 15-07-2025, 10:29

TƏBİB-in tabeliyində fəaliyyət göstərən tibb müəssisələrində ilin ilk altı ayı (yanvar-iyun) ərzində ümumilikdə 12 milyon 393 min 131 müraciət qeydə alınıb.

Bu barədə TƏBİB məlumat yayıb.

Qeyd olunub ki, bunlardan 260 min 661-i stasionar, 12 milyon 132 min 470-i ambulator olub.

Ötən ilin eyni dövrü ilə müqayisədə müraciət sayı 4 % artıb.

Yanvar-iyun aylarında göstərilən xidmət sayında ötən illərin eyni dövrü ilə müqayisədə artım müşahidə olunub. Belə ki, sözügedən müddət ərzində 44 milyon 174 min 073 (5 811 277 stasionar, 38 362 796 ambulator olmaqla) tibbi xidmət göstərilib. Tibb müəssisələrində göstərilən tibbi xidmətlərin ümumi sayı ötən illə müqayisədə 13% artıb.

Tibb müəssisələri üzrə vətəndaşlara göstərilən laborator xidmətlərdə də artım qeydə alınıb. İlk 6 ay ərzində 18 milyon 722 min 731 sayda laborator müayinələr aparılıb ki, onların da 2 milyon 843 min 708-i stasionar, 15 mln 879 min 023-ü ambulator olub. Beləliklə, tibb müəssisələrində göstərilən laborator xidmətlərin ümumi sayında 2024-cü illə müqayisədə 18 % artım qeydə alınıb.

Eyni zamanda yanvar-iyun ayları ərzində 181 min 352 cərrahi əməliyyat və prosedur (169 138 stasionar, 12 214 ambulator olmaqla) icra olunub. Cərrahi əməliyyat və prosedurların sayı isə ötən illə müqayisədə 1 % azalıb.