Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

“Rusiya İstintaq Komitəsi ayrıca araşdırma aparır”

Tarix: 22-07-2025, 17:51

“Ekspertizalar nəticəsində məlum olub ki, azərbaycanlılar Rusiyanın Yekaterinburq şəhərində işgəncələr, döyülmələr, ağır bədən xəsarətləri nəticəsində həyatlarını itiriblər”.

Bunu AZƏRTAC-a açıqlamasında Türkiyənin paytaxtı Ankara şəhərində səfərdə olan Azərbaycan baş prokuroru Kamran Əliyev bildirib.

Azərbaycanın prokurorluq orqanlarında Yekaterinburqda baş verənlərlə bağlı cinayət işinin başlandığını xatırladan Kamran Əliyev deyib ki, Rusiyanın İstintaq Komitəsi və Baş Prokurorluğu ilə mütəmadi əlaqə saxlanılır.

“Hərçənd ki, Rusiya tərəfi onların öz vətəndaşları olduğunu bildirir, amma ölkəmiz ikili vətəndaşlığı tanımadığı üçün onlar bizim vətəndaşlarımızdır. Həmin işlərlə bağlı da istintaq hərəkətləri aparırıq, əldə olunmuş bütün sübutları Rusiya İstintaq Komitəsinə təqdim etmişik. Rusiya tərəfindən mənə deyilib ki, İstintaq Komitəsi həmin zorakılıq faktları ilə bağlı ayrıca araşdırma aparır. Ümid edirik ki, məsələ ilə bağlı istintaq hərəkətlərinin və cinayət işinin konkret nəticələri olacaq”, - deyə baş prokuror vurğulayıb.