Son Xəbər: "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq,

"Bloomberg": ABŞ Asiya-Sakit okean regionunda hegemonluğunu itirib

Tarix: 5-09-2025, 09:15

ABŞ artıq Asiya-Sakit okean regionunda hegemon statusunu itirib.

Bu qiymətləndirməni "Bloomberg" agentliyi aparıb.

Nəşr qeyd edir ki, Çin Xalq Azadlıq Ordusunun Hərbi Dəniz Qüvvələri sayca ABŞ Hərbi Dəniz Qüvvələrini geridə qoyub. Agentlik xatırladır ki, Çin tez bir zamanda yeni təyyarə, raket və digər hərbi texnika modellərini istifadəyə verir və Pekinin hərbi gücü sentyabrın 3-də keçirilən genişmiqyaslı hərbi parad zamanı dünyaya nümayiş etdirilib.

"Bloomberg" əlavə edir ki, ABŞ-nin regiondakı müttəfiqləri Vaşinqtonu etibarlı tərəfdaş kimi görməkdən əl çəkiblər. Agentlik qeyd edir ki, ABŞ-nin Prezident Donald Tramp dövründə apardığı siyasət Avstraliya və Yaponiyanı bir-birinə daha da yaxınlaşdırıb və onlar indi ikitərəfli əməkdaşlığı gücləndirməyə üstünlük verirlər.