Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Zelenski: Tramp Ukraynanın qalib gəlməyini istəyir

Tarix: 26-09-2025, 14:13

Ukrayna Prezidenti Volodimir Zelenski ABŞ Prezidenti Donald Trampın Rusiya Prezidenti Vladimir Putinə layiq olduğundan daha çox güzəştə getdiyini deyib.

Zelenski bunu “Axios”a müsahibəsində bildirib.

“Düşünürəm ki, Prezident Tramp Putinə laqyiq olduğundan daha çox şey verib. Çünki Putin sevinirdi. Rusiyanın beynəlxalq təcridə məruz qaldığı bir vaxtda Prezident Trampla görüşmək onun üçün bir xəyal idi və o, buna çatdı. Düşünürəm ki, Putinə sadəcə Trampla birgə görüşün görüntüsü lazım idi. Putinin üçtərəfli görüş üçün heç bir niyyəti olmayıb”, - Zelenski qeyd edib.

Ukrayna lideri jurnalistin “Düşünürsünüz ki, Prezident Tramp Ukraynanın qalib gəlməyini istəyir?” sualına “Bəli” cavabını verib.

“Düşünürəm ki, Tramp Putinin ona uğur gətirməyəcəyini başa düşüb. Amerika cəmiyyəti Putinə güvənmir, hörmət etmir və onun müharibəni bitirmək istəmədiyini düşünür. Cəmiyyətin dəstəyi isə Prezident Tramp üçün vacibdir”, - Ukrayna Prezidenti jurnalistin “Tramp sizə əvvəllər əlinizdə kart yoxdur deyirdi. Bəs indi nə dəyişdi?” sualına cavabında qeyd edib.