Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Kavelaşvili: Gürcüstan hökuməti Aİ-yə üzvlükdən heç vaxt imtina etməyib

Tarix: 3-12-2025, 10:20

"Gürcüstan hökuməti Avropa İttifaqına üzvlükdən heç vaxt imtina etməyib".

Bu barədə Gürcüstan Prezidenti Mixeil Kavelaşvili "Deutsche Welle" nəşrinə müsahibəsində bildirib.

O qeyd edib ki, Avropa İttifaqının bayraqları hakim "Gürcü Arzusu" partiyasının bütün əsas toplantılarında çox istifadə olunurdu.

"Təəssüflər ki, bu gün dəstək azalır. Əgər Gürcüstan əhalisinin 80 faizi Aİ-yə üzvlüyü, 60 faizi isə "Gürcü Arzusu"nu dəstəkləyirsə, bu nə deməkdir? Məlum olur ki, əhalinin əksəriyyəti eyni zamanda həm Aİ-yə üzvlüyü, həm də "Gürcü Arzusu"nu dəstəkləyir. Bu iki fakt arasında fərq nədir?", - Kavelaşvili əlavə edib.

Dövlət başçısı Gürcüstanın Aİ-yə üzvlüyə 2030-cu ilədək hazır olacağını vurğulayıb:

"Lakin biz hazırda Avropa İttifaqının mövqeyinin dəyişəcəyini bilmirik. Onlar ikili standartlara əsaslanırlar. Əsas dialoqdur, lakin Avropa İttifaqı Gürcüstanla dialoqa getmir. Onlar bəzən hökuməti tanıyırlar, bəzən isə tanımırlar və bu absurddur".