Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Nazir müavini: Süni intellekt tətbiqlərinin yaradılması işlərinə başlanılıb

Tarix: 8-12-2025, 16:43

Azərbaycanda süni intellekt tətbiqlərinin yaradılması üçün böyük proqramın tətbiqinə başlanılıb.

Bunu rəqəmsal inkişaf və nəqliyyat nazirinin müavini Saməddin Əsədov Milli Məclisin Təbii ehtiyatlar, energetika və ekologiya komitəsi tərəfindən “İqlim dəyişikliyi ilə mübarizədə süni intellektin perspektivləri” mövzusunda keçirilən elmi-praktik konfransdakı çıxışında bildirib.

S.Əsədov qeyd edib ki, bu istiqamətdə 6 aylıq süni intellekt akademiyasının fəaliyyətinə başlanılıb:

"Bununla da süni intellekt mühəndisləri yetişdiriləcək. Bunun üçün yüksək riyazi bacarıqlar, o cümlədən xarici dil biliyi tələb olunur. Artıq 150-ə yaxın tələbə seçilib. Bu, tam təqaüdlü dövlət proqramıdır. 6 ayın tamamında süni intellekt mühəndisləri, data mühəndisləri və digər mütəxəssislər yetişəcək. Bunun üçün tanınmış xarici universitetlərlə də əməkdaşlığa başlamışıq".