Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Azərbaycan benzini Ermənistana ÇATDI

Tarix: 19-12-2025, 14:25

Azərbaycadan 1300 ton Aİ-95 benzini (yüksək oktanlı yanacaq) daşıyan yük qatarı Gürcüstan-Ermənistan sərhədini keçib.

Bu barədə Ermənistanın iqtisadiyyat naziri Gevork Papoyan sosial mediada bildirib.

Dünən Ermənistan və Azərbaycan baş nazirlərinin müavinləri Mher Qriqoryan və Şahin Mustafayev arasında 28 noyabrda Qəbələdə keçirilən görüşdə əldə edilən razılaşmalara uyğun olaraq, SOCAR neft məhsullarının ilk partiyasını daşıyan 22 vaqonlu yük qatarının Azərbaycandan Ermənistana yola düşdüyü bildirilmişdi.

G.Papoyan 22 vaqon benzinin artıq Ermənistan tərəfində olduğunu söyləyib.

Nazirin sözlərinə görə, bu, Ermənistan və Azərbaycan arasında sülhün bərqərar olmasından (8 avqust tarixli Vaşinqton Sazişlərinə istinadla - red.) bəri ilk ticarət-iqtisadi müqavilə deyil, həm də iki ölkə müstəqillik qazandıqdan bəri ilk belə müqavilədir.

Qeyd etmək lazımdır ki, yanacaq Bakıdan dəmir yolu xətti ilə Gəncəyə, daha sonra Böyük Kəsikdən keçərək Gürcüstan sərhədinə (təxminən 500 km), oradan Qardabanidən Tbilisiyə və daha sonra Ermənistan sərhədinə (Sadaxlı-Ayrım) çatdırılb.