Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Cevdet Yılmaz: Naxçıvan üzərindən planlaşdırdığımız enerji dəhlizini tezliklə həyata keçirməliyik

Tarix: 22-12-2025, 16:43

Naxçıvan üzərindən planlaşdırdığımız enerji dəhlizini tezliklə həyata keçirərək enerji müttəfiqliyimizi möhkəmləndirməliyik.

Bunu Türkiyə vitse-prezidenti Cevdet Yılmaz Azərbaycan ilə Türkiyə arasında iqtisadi əməkdaşlıq üzrə Birgə Hökumətlərarası Komissiyanın 12-ci iclasında bildirib.

Cevdet Yılmaz deyib ki, Azərbaycan və Türkiyənin Bakı-Tbilisi-Ceyhan neft və Bakı-Tbilisi-Ərzurum qaz kəməri layihələri ilə atdığı təməllər bu gün TANAP ilə Avropanın enerji təhlükəsizliyinin sığortası halına gəlib: “Ancaq vizionumuz sadəcə boru kəmərləri ilə neft və qaz daşımaqla məhdudlaşa bilməz. Bizlər Xəzərin resurslarını Qərbə çatdıran bir tranzit ölkəsi deyilik, enerjinin idarə edildiyi, enerji təhlükəsizliyinin təmin edildiyi strateji mərkəzlərik. Bu aspektdə enerji sahəsində əməkdaşlığımızı bərpa olunan enerji mənbələrini də əhatə edəcək şəkildə çeşitləndirməli, Naxçıvan üzərindən planlaşdırdığımız enerji dəhlizini tezliklə həyata keçirərək enerji müttəfiqliyimizi möhkəmləndirməliyik”.