Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

CNN Brasil: ABŞ-ın Venesuelaya hücumlarından sonra Braziliya HHM sistemlərini gücləndirir

Tarix: 17-01-2026, 10:18

Braziliya Ordu Komandanlığı ölkənin hava hücumundan müdafiə sistemlərinin sürətlə gücləndirilməsində və öz PUA donanmasının yaradılmasında israr edir.

Bu barədə CNN Brasil braziliyalı general Tomas Payvaya istinadən məlumat yayıb.

Qeyd olunur ki, prezident Luiz İnasio Lula da Silva ABŞ-ın Venesuelaya qarşı təcavüzündən sonra Silahlı Qüvvələrin rəhbərliyi ilə görüş keçirib.

Payva öz hesabatında dövlət başçısına respublikanın müdafiə qabiliyyətindəki "strateji zəiflikləri" qeyd edib. Hərbi lider orta və uzun mənzilli hava hücumundan müdafiə sistemlərinin təkmilləşdirilməsinin, helikopter donanmasının modernləşdirilməsinin, kəşfiyyat və hücum dronlarının alınmasının vacibliyini vurğulayıb.

Görüş zamanı Braziliyanın müdafiə naziri Xose Musio Monteyro qeyd edib ki, təxminən 10.000 əsgər Amazon bölgəsində Venesuela ilə şimal sərhədinin təhlükəsizliyini təmin edir. Lakin nazirin sözlərinə görə, yeni təhdidlərin aradan qaldırılması üçün qoşunların texniki təchizatının nəzərdən keçirilməsi tələb olunur.