Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Misir Sülh Şurasına daxil olmaqla bağlı dəvəti qəbul edib

Tarix: 21-01-2026, 15:11

Misir ABŞ Prezidenti Donald Trampın Sülh Şurasına daxil olmaq və müvafiq hüquqi və konstitusiya prosedurlarının yerinə yetirilməsi üzərində işləməklə bağlı dəvətini qəbul edib.

Bu barədə ölkənin Xarici İşlər Nazirliyinin məlumatında deyilir.

"Misir BMT Təhlükəsizlik Şurasının 2803 saylı qətnaməsinə uyğun olaraq, Qəzzada münaqişənin dayandırılması üçün hərtərəfli planın ikinci mərhələsi çərçivəsində Sülh Şurasının missiyasına dəstəyini ifadə edib", - nazirlik qeyd edir.

Bəyanatda deyilir ki, Misir atəşkəs rejiminin gücləndirilməsi, humanitar yardımın və bərpa vasitələrinin maneəsiz çatdırılmasının təmin edilməsi, beynəlxalq sabitləşdirmə qüvvələrinin yerləşdirilməsi, həmçinin sürətli bərpa layihələrinin irəlilədilməsi və sektorun yenidən qurulmasına hazırlıq üçün Birləşmiş Ştatlar və tərəfdaşlarla əlaqələndirilmiş fəaliyyəti davam etdirəcək.

Bundan başqa, Misir ədalətli və davamlı sülhün əldə edilməsinə, Fələstin xalqının öz müqəddəratını təyin etmək və dövlətçilik hüququnun həyata keçirilməsinə töhfə vermək, bununla da regionun bütün ölkələri və xalqları üçün sabitlik və təhlükəsizliyi təmin etmək niyyətini təsdiqləyib.