Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Parlamentdə müzakirə ediləcək əsas məsələlər açıqlandı

Tarix: 2-02-2026, 12:36

Milli Məclisdə cari sessiyada “Azərbaycan Respublikasının Dövlət Qulluğu Məcəlləsi”nin layihəsi müzakirə edəcək.

Milli Məclisin bugünkü plenar iclasında 2026-cı il parlamentin yaz sessiyasının işlər planı müzakirə olunub.

İşlər planına əsasən, yaz sessiyası çərçivəsində qanunvericilik təşəbbüsü qaydasında təqdim edilən bir sıra mühüm qanun layihələrinin müzakirəsi nəzərdə tutulur.

Qanunvericilik təşəbbüsü subyektləri üzrə layihələr

Sessiya müddətində Azərbaycan Respublikası Prezidentinin, Milli Məclis deputatlarının, Azərbaycan Respublikasının Ali Məhkəməsinin, Prokurorluğun, Naxçıvan Muxtar Respublikası Ali Məclisinin, eləcə də seçki hüququ olan 40 min vətəndaşın qanunvericilik təşəbbüsü qaydasında təqdim etdiyi qanun layihələrinə baxılması planlaşdırılır. Bu layihələr Milli Məclisin müvafiq komitələri və Aparatın müvafiq şöbələri tərəfindən müşayiət olunacaq.

2025-ci il dövlət büdcəsinin icrası müzakirə ediləcək

İşlər planında Azərbaycan Respublikasının 2025-ci il dövlət büdcəsinin icrası haqqında qanun layihəsinin də yer aldığı bildirilib. Layihəyə Milli Məclisin İqtisadi siyasət, sənaye və sahibkarlıq komitəsində baxılacaq, sənəd İqtisadi qanunvericilik şöbəsinin müşayiəti ilə hazırlanacaq.

Uşaq hüquqları və dövlət qulluğu ilə bağlı layihələr

Yaz sessiyasında “Uşaq hüquqları haqqında” qanun layihəsinin müzakirəsi də nəzərdə tutulur. Layihə Ailə, qadın və uşaq məsələləri komitəsi ilə İnsan hüquqları komitəsində baxılacaq və Sosial qanunvericilik şöbəsi tərəfindən müşayiət ediləcək.

Bununla yanaşı, “Azərbaycan Respublikasının Dövlət Qulluğu Məcəlləsi”nin layihəsinin müzakirəsi planlaşdırılır. Layihə Hüquq siyasəti və dövlət quruculuğu komitəsində baxılacaq, sənəd Dövlət quruculuğu, inzibati və hərbi qanunvericilik şöbəsi tərəfindən müşayiət olunacaq.

Qanunlara dəyişiklik layihələri də gündəmdədir

İşlər planına əsasən, Azərbaycan Respublikasının qanunlarında dəyişiklik edilməsi haqqında qanun layihələrinin də yaz sessiyasında müzakirəsi nəzərdə tutulur. Bu layihələr Milli Məclisin müvafiq komitələri və Aparatın aidiyyəti şöbələri tərəfindən hazırlanacaq.