Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

"X" sosial şəbəkəsinin Parisdəki ofislərində axtarışlar aparılır

Tarix: 3-02-2026, 14:54

Paris prokurorluğunun kibercinayətkarlıqla mübarizə şöbəsi "X" sosial şəbəkəsinin Parisdəki (Fransa) ofislərində axtarışlar aparır.

Bu barədə prokurorluğun bəyanatına istinadən "Le Parisien" nəşri məlumat yayıb.

"Bu araşdırmalar 2025-ci ilin yanvarında başlamış istintaq çərçivəsində Paris prokurorluğunun kibercinayətkarlıqla mübarizə şöbəsi və "Europol" tərəfindən aparılır", - məlumatda bildirilib.

Fransa hakimiyyəti "X" sosial şəbəkəsini xarici müdaxilə məqsədilə alqoritmi saxtalaşdırmaqda şübhəli bilir. Söhbət mütəşəkkil dəstə tərəfindən məlumatların avtomatlaşdırılmış emalı sisteminin işinin pozulması və həmin sistemdən məlumatların qanunsuz əldə edilməsi kimi hüquqpozmalardan gedir.

Fransa ekspertləri bu məlumatları təhlil etmək üçün "X"in tövsiyə alqoritminə və platformadakı istifadəçilərin bütün paylaşımları haqqında məlumatlara real vaxt rejimində çıxış tələb ediblər. Lakin "X" bu tələbləri yerinə yetirməkdən imtina edərək qeyd edib ki, konkret ittihamlarla bağlı hələ də məlumatsızdırlar. Şirkət həmçinin ittihamları siyasi motivli adlandırıb.