Son Xəbər: Leonid Kuçma: Azərbaycanın müstəqilliyi mənim üçün sadəcə söz deyil, Polşa Ukrayna və Belarus yaxınlığında hava məkanını bağlayır, Perinatal Mərkəzin sabiq direktoru Mehriban Abasquliyeva və şöbə müdirləri məhkəmə zalında həbs edilib, Aİ Rusiyanın ticarət məhdudiyyətlərinə cavab olaraq Ermənistana 50 mln. avroluq yardım paketi hazırlayır, Keşlədə obyekt yanır, Nazir müavini: Avtonom nəqliyyat vasitəsinin qəza törətməsi ilə bağlı hüquqi tənzimləmələrə ehtiyac olacaq, DTX rəsmisi: "Dünyada enerji sektoruna həftəlik mindən çox ciddi kiberhücum qeydə alınır", Rusiya Xarkov və Xerson vilayətlərinə hücum edib: 9 nəfər ölüb, Bakıda avtoxuliqanlıq edən sürücü həbs edilib, Əlilliyi olan şəxslərə zəruri həyat və fəaliyyət şəraitinin yaradılması qaydaları təsdiq edilib,

Ərdoğan: Zəlzələdən qısa müddət sonra sözümüzü tutduq

Tarix: 6-02-2026, 11:28

Türkiyə Prezidenti Rəcəb Tayyib Ərdoğan Kahramanmaraşda baş verən zəlzələnin ildönümü ilə bağlı paylaşım edib.

O bu barədə "X" sosial media hesabında yazıb.

"Üç il əvvəl bu gün yaşadığımız iki böyük zəlzələ nəticəsində Rəhman Allahın dərgahına qovuşan qardaş-bacılarımızı unutmayacağıq. Onların xatirəsini qəlbimizdə və yaddaşımızda daim yaşadacağımıza, əmanətlərinə sahib çıxacağımıza, zəlzələdə dağılan şəhərlərimizi yenidən ayağa qaldıracağımıza dair xalqımıza söz vermişdik.

Bu gün Allahın izni ilə bu ağır işin öhdəsindən gəldik, cəmi üç il kimi qısa müddətdə şəhərlərimizi yenidən bərpa etdik və dirçəltdik. Sözümüzü tutduq", - deyə Prezident qeyd edib.

Xatırladaq ki, Türkiyədə 53 mindən çox insanın ölümünə səbəb olan dağıdıcı zəlzələlərdən üç il ötür. 2023-cü il fevralın 6-da ölkənin cənub-şərqindəki Kahramanmaraş vilayətində 7,7 və 7,6 bal gücündə zəlzələlər baş verib.