Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

İran XİN başçısı: Raket proqramımız müzakirə olunmayacaq

Tarix: 7-02-2026, 14:14

İranın raket proqramı nə indi, nə də gələcəkdə müzakirə olunmayacaq, çünki bu, müdafiə məsələsidir.

Bunu İranın xarici işlər naziri Abbas Əraqçi Qətərin "Al Jazeera" telekanalına müsahibəsində bildirib.

Omanda ABŞ tərəfi ilə danışıqlara toxunan XİN başçısı qeyd edib ki, bu danışıqlar "yaxşı başlanğıc nöqtəsi oldu, lakin etimadın möhkəmləndirilməsi üçün hələ uzun yol qət edilməlidir".

Onun sözlərinə görə, danışıqlar dolayı xarakter daşıyıb və yalnız nüvə problemi ilə bağlı olub. Uranın zənginləşdirilməsinin qadağan edilməsi məsələsi müzakirə mövzusu deyil.

"Uranın zənginləşdirilməsi İranın haqqıdır və bu proses davam etdirilməlidir", - A.Əraqçi qeyd edib.

O, ABŞ ilə nüvə dosyesi üzrə mümkün razılaşma çərçivəsində yüksək dərəcədə zənginləşdirilmiş uran ehtiyatlarının İrandan üçüncü ölkələrə çıxarılması mümkünlüyünü istisna edib.