Son Xəbər: Bakı və Berlin strateji tərəfdaşlıq gündəliyi ilə əməkdaşlığı möhkəmləndirir, Azərbaycan və Almaniya minatəmizləmə sahəsində əməkdaşlığın davam etdirilməsini razılaşdırıblar, Azərbaycanda ilk dəfə motosikletlər təcili tibbi yardım xidmətinə cəlb olunub, Berlində İlham Əliyevin rəsmi qarşılanma mərasimi olub, Rusiya "Naftoqaz"ın qaz hasilatı obyektlərinə silsilə zərbələr endirib, Azərbaycan və Almaniya arasında strateji tərəfdaşlıq üzrə birgə bəyannamə imzalanacaq, Bakıda 34, rayonlarda 38 dərəcə isti olacaq, Azərbaycan və Almaniya prezidentlərinin təkbətək görüşü keçirilir, Bakıda özəl klinikada ölən körpənin zirzəmiyə atılması iddiası ilə bağlı araşdırma başlayıb, Hindistan Rusiya diplomatını XİN-ə çağırıb,

Japarov: Növbədənkənar seçkilərin keçirilməsini təklif edən qrupun fəaliyyəti araşdırılır

Tarix: 13-02-2026, 10:21

Qırğızıstanda müvafiq orqanlar tərəfindən ölkədə növbədənkənar seçkilərin keçirilməsini təklif edən qrupun fəaliyyətinin miqyasını müəyyən etmək üçün istintaq tədbirləri həyata keçirilir.

Bunu Qırğızıstan Prezidenti Sadır Japarov "Kabar" agentliyinə müsahibəsində bəyan edib.

"Məhz istintaq göstərəcək ki, haqqında danışdığınız təşəbbüs nə qədər miqyaslı olub və neçə nəfər iştirak edib. İştirakçıların sayı hətta indi səsləndirilənlərdən də çox ola bilər, lakin istintaqın nəticələri əldə edildikdən sonra dəqiq cavab verə biləcəyəm", - o qeyd edib.

Xatırladaq ki, fevralın 9-da Qırğızıstanın tanınmış siyasi və ictimai xadimlərindən ibarət qrup ölkədə növbədənkənar prezident seçkilərinin keçirilməsini təklif edən petisiya yayımlayıb. Prezidentə müraciəti 75 nəfər imzalayıb, onların arasında iki sabiq baş nazir, bir neçə sabiq deputat və sabiq nazir də var.