Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Ukrayna Rusiya və Avropanın ən böyük metanol zavodlarından birinə zərbə endirib

Tarix: 17-02-2026, 18:51

Ukrayna dronları bu gecə Perm diyarında iri kimya zavoduna zərbə endirib.

Bu barədə “RBC-Ukraine” Ukrayna Təhlükəsizlik Xidmətinə istinadən məlumat yayıb.

Regionun rəhbəri Dmitriy Maxonin hadisəni öz “Telegram” kanalında təsdiq edib, yerli əhalidən heç kəsin xəsarət almadığını bildirib.

Məlumata görə, dronların hədəfi “Metafrax Chemicals” zavodu olub.

Bildirilir ki, hücuma məruz qalan zavod Rusiya hərbi sənayesinin obyektidir və partlayıcı maddələr və digər hərbi təyinatlı materialların komponentlərini istehsal edir. Hadisə yerində olan şahidlər zavod ərazisində ən azı altı partlayışın baş verdiyini və işçilərin təxliyə olunduğunu bildiriblər.

“Metafrax Chemicals” zavodu Perm bölgəsində, Ukrayna ilə sərhəddən 1600 km-dən çox məsafədə yerləşir. “Metafrax Chemicals” Rusiya Federasiyasının və Avropanın metanol istehsal edən ən böyük zavodlarından biridir.