Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Zelenski: Rusiyanın Ukraynaya zərbələri nəticəsində dörd nəfər ölüb

Tarix: 14-03-2026, 12:56

Rusiya ordusunun gecə satlarında Ukraynaya endirdiyi zərbələr nəticəsində dörd nəfər həlak olub.

Bu barədə Ukrayna Prezidenti Volodimir Zelenski "X" hesabında bildirib.

"Hazırda Kiyev, Sumı, Xarkov, Dnepr və Nikolayev vilayətlərində kütləvi hücumun nəticələrinin aradan qaldırılması istiqamətində işlər aparılır. Əsas hədəf Kiyev vilayətinin enerji infrastrukturu olub, lakin əfsuslar olsun ki, birbaşa zərbələr nəticəsində adi yaşayış binaları, məktəblər və mülki müəssisələr də zədələnib. Hazırda dörd nəfərin həlak olduğu bildirilir. Çoxlu sayda insan yaralanıb və onların bəziləri hələ də tibbi yardım üçün müraciət edir", - o qeyd edib.

Zelenski bildirib ki, ötən gecə Rusiya Silahlı Qüvvələri Ukrayna ərazisinə 430-a yaxın müxtəlif tipli pilotsuz uçuş aparatı (PUA) və xeyli sayda raket, o cümlədən 13 ballistik raket atıb.