Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Deputatların, nazirlərin və icra başçılarının maaşı: Kəskin fərq var – TAM SİYAHI

Deputatların, nazirlərin və icra başçılarının maaşı: Kəskin fərq var – TAM SİYAHI

Tarix: 27-05-2020, 16:42

Azərbaycanda Milli Məclisin deputatları mərkəzi və yerli icra hakimiyyəti orqanlarının rəhbərlərindən 2-3 dəfə çox əmək haqqı alırlar.

Yeniavaz.com xəbər verir ki, millət vəkillərinin maaşı "Azərbaycan Respublikası  Milli Məclisi deputatının statusu haqqında" Azərbaycan Respublikasının Qanunu ilə tənzimlənir. Belə ki, bu Qanunun 21-ci maddəsi deputatların maddi təminatından bəhs edir. Hazırda Qanunun 21-ci maddəsinə əsasən Milli Məclisin sədri ay ərzində 6 min 187 manat 50 qəpik maaş və maaşa əlavə alır. 

Bundan başqa Milli Məclisin sədrinin 1-ci müavini ay ərzində 5 min 568 manat 75 qəpik, Milli Məclisin sədrinin müavini 5 min 258 manat 37 qəpik, Milli Məclisin komitə və komissiya sədri 4 min 950 manat,  Milli Məclisin komissiya sədrinin müavini 4 min 640 manat 62 qəpik, sıravi deputat  isə 4 min 331 manat 25 qəpik məbləğində maaş və əlavə alır. 

Qeyd edək ki, mərkəzi və yerli icra hakimiyyəti orqanlarının rəhbərlərinin maaşı "Azərbaycan Respublikasının bəzi dövlət orqanlarının rəhbər işçilərinə yeni vəzifə maaşlarının müəyyən edilməsi haqqında” Azərbaycan Prezidentinin Sərəncamı ilə tənzimlənir. Bu Sərəncama əsasən hazırda Azərbaycanın Baş naziri ay ərzində 3 min 75 manat maaş və maaşa əlavə alır. Göründüyü kimi Baş nazirin əlavələrlə birgə aldığı maaş Milli Məclis sədrinin əlavələrlə birgə aldığı maaşdan 2 dəfə azdır. 

Eyni zamanda yerli icra hakimiyyəti başçıları arasında ən yüksək maaşı Bakı şəhər İcra hakimiyyətinin başçısı alır ki, bu da əlavələrlə birgə 2 min 406 manat 25 qəpiyə bərabərdir.  Bakı şəhər İcra hakimiyyətinin başçısının əlavələrlə birgə aldığı maaş Milli Məclis sədrinin əlavələrlə birgə aldığı maaşdan 2,6 dəfə, sıravi deputatın maaşından isə 1,8 dəfə azdır




RƏYLƏR


REKLAM

XƏBƏR LENTİ

POPULYAR XƏBƏRLƏR