Son Xəbər: Sumqayıtda evdə yanğın olub, ana və qızı tüstüdən zəhərlənib, Ermənistan Fransa ilə strateji tərəfdaşlıq haqqında bəyannamə imzalayıb, MEDİA onlayn media subyektlərinə dəstək üçün müsabiqə elan edib, Bakı metrosundan apreldə 20 milyondan çox sərnişin istifadə edib, Qazaxıstanda zavodda partlayış nəticəsində iki nəfər ölüb, Bakı, Sumqayıt və Abşeronda pensiyaların ayın 14-də ödənilməsi nəzərdə tutulur, Azərbaycanda ən populyar mobil cihazlar - SİYAHI, Prezidentin sosial şəbəkə hesablarında Ciorcia Meloninin Azərbaycana səfəri ilə bağlı videoçarx paylaşılıb, BİZİM TƏQVİM:Mayın 5-də baş vermiş tarixi hadisələr, İlham Əliyevin Ciorcia Meloni ilə təkbətək görüşü keçirilib,

MEDİA onlayn media subyektlərinə dəstək üçün müsabiqə elan edib

Tarix: Bugün, 14:36

Medianın İnkişafı Agentliyi onlayn media subyektlərinə dəstək üçün müsabiqə elan edib.

Bu barədə MEDİA-dan məlumat verilib.

Bildirilib ki, Media Reyestrinə daxil edilmiş ictimai-siyasi və idman məzmunlu kütləvi informasiya dərc edən onlayn media subyektləri müsabiqədə iştirak edə bilərlər.

Müsabiqədə iştirak etmək üçün müraciət və ona əlavə edilən sənədlər elektron formada mib.media.gov.az portalı vasitəsilə Azərbaycan Respublikasının Medianın İnkişafı Agentliyinə təqdim edilir.

Media subyektlərinin müsabiqədə iştirak etməsi üçün bir nəfər məsul redaktor və üç nəfər jurnalist olmaqla ən azı dörd nəfərdən ibarət heyəti olmalıdır.

Müsabiqənin yekununda qalib elan edilmiş onlayn media subyektləri ilə Agentlik arasında həmin subyektlərin hər birinə aylıq 5000 (beş min) manat məbləğində maliyyə yardımının göstərilməsinə dair müqavilə imzalanır və 6 (altı) ay müddətində qüvvədə olur. Bu dövr ərzində müvafiq dörd nəfər işçinin hər birinin əməkhaqqının minimum məbləği 800 (səkkiz yüz) manat təşkil etməlidir.

Qeyd edək ki, müsabiqəyə 12 may 2026-cı il saat 18:00-dək müraciət etmək mümkündür.

Müsabiqənin qaydaları ilə buradan ətraflı tanış ola bilərsiniz.

https://media.gov.az/uploads/2025/11/onlayn-media-musabiqe-qaydalari.pdf