Son Xəbər: Sumqayıtda avtomobil yolu çöküb, Bahar Muradova Xızıda vətəndaş qəbulu keçirəcək, Sumqayıtda evdə yanğın olub, ana və qızı tüstüdən zəhərlənib, Ermənistan Fransa ilə strateji tərəfdaşlıq haqqında bəyannamə imzalayıb, MEDİA onlayn media subyektlərinə dəstək üçün müsabiqə elan edib, Bakı metrosundan apreldə 20 milyondan çox sərnişin istifadə edib, Qazaxıstanda zavodda partlayış nəticəsində iki nəfər ölüb, Bakı, Sumqayıt və Abşeronda pensiyaların ayın 14-də ödənilməsi nəzərdə tutulur, Azərbaycanda ən populyar mobil cihazlar - SİYAHI, Prezidentin sosial şəbəkə hesablarında Ciorcia Meloninin Azərbaycana səfəri ilə bağlı videoçarx paylaşılıb,

Ermənistan Fransa ilə strateji tərəfdaşlıq haqqında bəyannamə imzalayıb

Tarix: Bugün, 15:21

Ermənistan və Fransa ikitərəfli münasibətlərin səviyyəsini strateji tərəfdaşlığa yüksəldiblər.

Bu barədə Ermənistanın Parisdəki səfiri Arman Xaçatryan "X" sosial şəbəkəsindəki səhifəsində yazıb.

"Bu gün Ermənistan-Fransa strateji tərəfdaşlığı haqqında bəyannamə imzalanıb", - o yazıb.

Onun fikrincə, bu tarixi sənəd iki ölkə arasında əməkdaşlıq üçün yeni perspektivlər açır.

Bəyannaməni İrəvanda Fransa Prezidenti Emmanuel Makron və Ermənistanın Baş naziri Nikol Paşinyan imzalayıblar.

Ermənistan mediasının məlumatına görə, İrəvan və Paris süni intellekt, kibertəhlükəsizlik və yarımkeçiricilər sahəsində əməkdaşlıq haqqında sazişlər; hərbi texnologiyaların inkişafı və müdafiə sistemlərinin tədqiqi sahəsində əməkdaşlıq haqqında, hərbi geyimlərin tədarükü barədə sazişlər imzalayıblar.

Tərəflər həmçinin nəqliyyat helikopterlərinin tədarükü, Ermənistan aviaşirkətinə iki A321-200NX təyyarəsinin satışı, Ermənistanın cənubunda Bərgüşad tunelinin tikintisi barədə razılığa gəliblər. Bununla yanaşı, iki ölkə arasında kredit, iqtisadi, mədəni əməkdaşlığa dair bir sıra sənədlər də imzalanıb.