Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Məcnun Məmmədov: "Azərbaycanda müasir suvarma sistemlərinin əhatə dairəsi 300 min hektara çatdırılacaq"

Məcnun Məmmədov: "Azərbaycanda müasir suvarma sistemlərinin əhatə dairəsi 300 min hektara çatdırılacaq"

Tarix: 6-05-2026, 11:54

Məcnun Məmmədov: "Azərbaycanda müasir suvarma sistemlərinin əhatə dairəsi 300 min hektara çatdırılacaq"

Hazırda Azərbaycanda suvarılan əkin sahələrinin təqribən 10-14 %-ində, yəni 130 min hektar ərazidə müasir suvarma texnologiyaları istifadə olunur.

Bunu kənd təsərrüfatı naziri Məcnun Məmmədov bu gün Bakı Ekspo Mərkəzində təşkil edilən "İqlim, iqtisadi və təhlükəsizlik çağırışları kontekstində ərzaq təhlükəsizliyi: Regional perspektivlərin fərqli və oxşar cəhətləri" adlı panel müzakirələri zamanı bildirib.

"2030-cu ilədək bu rəqəmin 300 min hektara çatdırılması nəzərdə tutulur. Suyun ölçülməsi qarşıdakı illərin başlıca prioritetlərindən birinə çevriləcək. İstifadə edilən suyun 70 %-i kənd təsərrüfatı sektoruna sərf olunsa da, bu sahədə faktiki olaraq ölçmə mexanizmi mövcud deyil. Ölçmədiyimiz heç bir şeyi idarə etmək mümkün deyil".

Nazirin açıqlamasına əsasən, Azərbaycanda əsas çətinlik su çatışmazlığı deyil, su ehtiyatlarının səmərəli idarə edilməməsidir.

"Mövcud problemin aradan qaldırılması məqsədilə müxtəlif istiqamətlərdə tədbirlər görülür. Birinci növbədə kiçik, orta və böyük həcmli su anbarlarının inşası reallaşdırılır. İkinci istiqamət isə açıq torpaq kanallarından beton örtüklü və qapalı boru sistemlərinə keçidi nəzərdə tutur. Bu həm su itkilərinin qarşısını alır, həm torpaq resurslarından qənaətlə istifadəyə şərait yaradır, həm də məhsuldarlığı yüksəldir", - deyə o qeyd edib.

M. Məmmədov həmçinin əlavə edib ki, Azərbaycan torpaq konsolidasiyası və resurs idarəetməsi sahəsində Türkiyənin təcrübəsindən də faydalanacaq.




RƏYLƏR


REKLAM

XƏBƏR LENTİ

POPULYAR XƏBƏRLƏR