Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Nazir müavini: Türkiyənin “Sıfır tullantı” layihəsi artıq qlobal ekoloji təşəbbüsə çevrilib

Nazir müavini: Türkiyənin “Sıfır tullantı” layihəsi artıq qlobal ekoloji təşəbbüsə çevrilib

Tarix: 20-05-2026, 17:32

Nazir müavini: Türkiyənin “Sıfır tullantı” layihəsi artıq qlobal ekoloji təşəbbüsə çevrilib

Türkiyə “Sıfır tullantı” layihəsi ilə 90 milyon ton tullantını iqtisadiyyata qazandırıb.

Bunu Türkiyənin ətraf mühit, şəhərsalma və iqlim dəyişikliyi nazirinin müavini Həsən Suver WUF13 çərçivəsində “Tullantıların idarə edilməsinin dövri iqtisadiyyata doğru inkişaf etdirilməsi” adlı xüsusi sessiyada deyib.

Nazir müavini bildirib ki, idarə olunmayan tullantılar xüsusilə həssas şəhər ərazilərində ciddi ekoloji, iqlim və sosial risklər yaradır.

Onun sözlərinə görə, nəzarətsiz tullantılar metan emissiyalarını artırır, su və torpaq çirklənməsinə səbəb olur, daşqın və təbii fəlakət risklərini yüksəldir.

Çıxış zamanı vurğulanıb ki, 2017-ci ildə başladılan “Sıfır tullantı” layihəsi artıq qlobal ekoloji təşəbbüsə çevrilib. Layihə çərçivəsində minlərlə bina və yaşayış məntəqəsində “Sıfır Tullantı İdarəetmə Sistemi” qurulub, 28 milyon insana maarifləndirici təlimlər keçirilib.

Məlumata görə, Türkiyədə təkrar emal göstəricisi 2017-ci ildəki 13 faizdən 2025-ci ildə 37,53 faizə yüksəlib. Hədəf isə bu göstəricini 2035-ci ildə 60 faizə, 2053-cü ildə isə 70 faizə çatdırmaqdır.

Nazir müavini qeyd edib ki, layihənin icrasına başlanıldığı vaxtdan 2025-ci ilin sonunadək ümumilikdə 90 milyon ton təkrar emal edilə bilən tullantı iqtisadi dövriyyəyə qaytarılıb. Bunların sırasında 36,1 milyon ton kağız və karton, 10,2 milyon ton plastik, 3,5 milyon ton şüşə və 9,6 milyon ton metal tullantıları yer alır.

Bildirilib ki, təkrar emal nəticəsində Türkiyə iqtisadiyyatına 365 milyard türk lirəsi həcmində töhfə verilib. Bununla yanaşı, milyonlarla ailənin illik enerji ehtiyacına bərabər enerji qənaəti əldə olunub, 60 milyard litr neftə qənaət edilib və 613 milyon ağacın kəsilməsinin qarşısı alınıb.




RƏYLƏR


REKLAM

XƏBƏR LENTİ

POPULYAR XƏBƏRLƏR