Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Paşinyandan Moskvaya cavab - “Qiyməti qaldırsalar, müqaviləni pozacaqlar”

Paşinyandan Moskvaya cavab - “Qiyməti qaldırsalar, müqaviləni pozacaqlar”

Tarix: 11-06-2026, 18:50

Paşinyandan Moskvaya cavab - “Qiyməti qaldırsalar, müqaviləni pozacaqlar”

Ermənistanın Baş naziri Nikol Paşinyan Rusiyanın ölkəsi üçün qazın qiymətini qaldırmaq niyyətinə reaksiya verərək, belə bir addımın mövcud müqavilənin pozulması demək olacağını bəyan edib.

Bu barədə “RİA Novosti” agentliyi məlumat yayıb.

Ermənistan hökumətinin rəhbəri iki ölkə arasında uzunmüddətli sazişin olduğunu xatırladıb:

“Qazın qiymətinə gəlincə, bizim uzunmüddətli müqaviləmiz var və tərəflərdən birinin bu müqavilədən necə imtina edəcəyini təsəvvür etməkdə çətinlik çəkirəm. Bu, müqavilə öhdəliklərinə uyğun olmayan bir davranış olardı”.

Buna baxmayaraq, Paşinyan İrəvanın iqtisadi sahədə bütün mümkün ssenariləri və riskləri yaxından araşdırdığını gizlətməyib. O, Rusiya Prezidenti Vladimir Putini uzun illərdir tanıdığını və Moskvanın bütün narahatlıqlarını dialoq yolu ilə həll etmək niyyətində olduqlarını bildirib:

“Putin faktlara əsaslanan rasional bir insandır. Əgər onların hər hansı bir narahatlığı varsa, biz bu narahatlığı səbirlə aradan qaldırmağa çalışacağıq. Ermənistan bütün problemləri Moskva ilə qardaşlıq, dostluq şəraitində, polemikasız və əsəb nümayiş etdirmədən müzakirə etmək niyyətindədir”.

Qeyd edək ki, bundan əvvəl Rusiya Xarici İşlər Nazirliyi rəsmi İrəvanın Avropa İttifaqına (Aİ) üzvlüklə bağlı inteqrasiya prosesini davam etdirəcəyi təqdirdə, Ermənistanı qaz və neft məhsullarının tədarükündə tətbiq olunan güzəştlərdən məhrum edə biləcəyini bəyan etmiş və bununla bağlı rəsmi məktubu artıq İrəvana göndərmişdi.




RƏYLƏR


REKLAM

XƏBƏR LENTİ

POPULYAR XƏBƏRLƏR