Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

İsrail ordusu Livanda ciddi itkilər verdi

İsrail ordusu Livanda ciddi itkilər verdi

Tarix: 19-06-2026, 14:21

Bu gün Livanda 4 İsrail hərbçisi həlak olub.

Bu barədə İsrail Müdafiə Ordusunun mətbuat xidməti məlumat yayıb.

Həlak olan hərbçilərdən hazırda yalnız birinin kimliyi açıqlanıb.

Məlumata görə, 33 yaşlı ehtiyatda olan podpolkovnik Dor Qedaliya Ben-Simon Livanın cənubunda tankın partlaması nəticəsində həlak olub. O, Beyt Ha-Şita kibutzu sakinidir və 401-ci zirehli briqadanın 52-ci batalyonuna komandanlıq edirdi.

İsrail ordusu bildirib ki, hadisədən sonra üç hərbçinin ailəsinə məlumat verilib. Bir neçə saat sonra həmin ərazidə oxşar şəraitdə daha beş hərbçi yaralanıb. Onlardan biri, ehtiyat zabit ağır xəsarət alıb.

İsrail ordusunun digər bir məlumatına görə, “Lyonun Rüyası” əməliyyatı başlayandan bəri 34 hərbçi həlak olub, onlardan 22-si 16 apreldən sonra qeydə alınıb. 7 oktyabrdan bu yana isə ümumilikdə 961 hərbçi həyatını itirib.

Digər yandan Livan Səhiyyə Nazirliyi İsrail Müdafiə Ordusunun ölkənin cənubundakı bir neçə kəndə endirdiyi zərbələr nəticəsində azı 18 nəfərin həlak olduğunu, 33 nəfərin isə yaralandığını açıqlayıb.

Nazirliyin açıqlamasında bildirilib ki, hücumlar nəticəsində həm ölən, həm də yaralananların sayı dəqiqləşdirilir və xəsarət alanlar arasında vəziyyəti ağır olanlar da var.

Qeyd edək ki, İsrailin Livana hücumları ABŞ-İran arasında imzalanan memeranduma və sülhə gedən prosesə ciddi mane törədir. Belə ki, bu gün İsveçrənin paytaxtı Cenevrədə ABŞ və İran nümayəndələri görüşməliydilər. Lakin ABŞ-nin vitse-prezidenti Cey Di Vens Cenevrəyə gəlməyib. Məhz onun bu addımının səbəbi elə İsrailin Livana qarşı hücumları olub. Çünki İran İsveçrədə ABŞ ilə danışıqların bərpasından əvvəl Livanda hərbi əməliyyatların dayandırılmasına dair zəmanət tələb edib.İsrailin Livana endirdiyi zərbələrdən sonra planlaşdırılan danışıqlar müvəqqəti olaraq təxirə salınıb. Danışıqların nə vaxt bərpa olunacağı isə hələlik açıqlanmayıb.




RƏYLƏR


REKLAM

XƏBƏR LENTİ

POPULYAR XƏBƏRLƏR