Son Xəbər: Milli Məclis və TBMM sədrləri görüşüb, Azərbaycan-Türkiyə strateji müttəfiqliyinin önəmi vurğulanıb, Azərbaycan Qırğızıstanın beynəlxalq axtarışa verdiyi şəxsi təhvil verib, Milli Paralimpiya Komitəsində Tunis Qran-prisinin mükafatçıları ilə görüş keçirilib, İran XİN: AEBA müfəttişlərinin nüvə obyektlərinə girişi yalnız yekun razılaşma çərçivəsində müzakirə olunacaq, Neftçalada DOST filialının açılışı olub, Nazim Sadıxov: "Braziliyalı rəqibimin zəif və güclü tərəflərini təhlil etmişəm", İlham Əliyev Numan Kurtulmuşu qəbul edib, Azərbaycanda xüsusi karantin rejiminin müddəti uzadılıb, Qalibaf: Əsas məqsədimiz bölgənin təhlükəsizliyinin region ölkələrinin özləri tərəfindən təmin edilməsidir, Numan Kurtulmuş: Türkiyə İran-ABŞ danışıqlarının müsbət nəticələnməsini alqışlayır,

İran XİN: AEBA müfəttişlərinin nüvə obyektlərinə girişi yalnız yekun razılaşma çərçivəsində müzakirə olunacaq

Tarix: Bugün, 16:17

Atom Enerjisi üzrə Beynəlxalq Agentliyin (AEBA) müfəttişlərinin hücuma məruz qalmış nüvə obyektlərini və nüvə materiallarını təftişi məsələsi yalnız ABŞ-la yekun razılaşma çərçivəsində nəzərdən keçiriləcək.

Bunu İran xarici işlər nazirinin müavini Kazem Qəribabadi “X”-də yazıb.

Onun sözlərinə görə, hazırda bu obyektlərə və nüvə materiallarına girişin təmin edilməsi ilə bağlı heç bir plan mövcud deyil: “Bu məsələlər yalnız yekun razılaşma çərçivəsində və qarşı tərəf bütün sanksiyaların tam ləğvi, eləcə də digər öhdəliklərin yerinə yetirilməsi istiqamətində praktik addımlar atdıqdan sonra nəzərdən keçiriləcək və həll olunacaq”.

Qəribabadi qeyd edib ki, AEBA-nın Baş direktoru Rafael Qrossinin müraciətinə baxmayaraq, İsveçrədə onunla heç bir görüş keçirilməyib.

Qeyd edək ki, AEBA müfəttişlərinin hücuma məruz qalmış nüvə obyektlərinə girişi məsələsi ilə bağlı ABŞ və İran ziddiyyətli açıqlamalar verir. Belə ki, ABŞ-ın Vitse-prezident Vens AEBA müfəttişlərinin İrana qayıdacağını bildirsə də, İran XİN sözçüsü bunu təkzib edib.