Son Xəbər: Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb, Şükufə Yusupova qəzaya düşdü - Vəziyyəti ağırdır, Qətər əsir götürülmüş pilotlarla bağlı İranın ekspert qrupunu qəbul edəcək, M6 nömrəli ekspres marşrutunun hərəkət sxemində dəyişiklik edilir, Bakıda oğurluq edən şəxslər saxlanılıblar, İran İraq tankerlərinin Hörmüzdən keçməsinə icazə verib, DİN: Ötən gün 2 avtomat, 13 tüfəng aşkarlanıb, Xəzər dənizində zəlzələ olub, Azərbaycan Premyer Liqası: II tura bu gün start verilir,

Reuters: Qara dənizdə “Chevron”un istifadə etdiyi tankerə PUA hücumu olub

Tarix: 8-07-2026, 16:33

Qara dənizdə “Chevron” şirkəti tərəfindən istifadə olunan “Yasa Polaris” tankeri Xəzər Boru Kəməri Konsorsiumunun terminalına yaxınlaşarkən pilotsuz uçuş aparatlarının (PUA) hücumuna məruz qalıb.

Bu barədə “Reuters“ məlumat yayıb.

“Chevron” şirkəti insidentin əməliyyat fəaliyyətinə və ixrac tədarükünə təsir göstərmədiyini bildirib.Şirkətdən verilən məlumata görə, ekipaj təhlükəsiz vəziyyətdədir, gəmi üzmə qabiliyyətini qoruyub saxlayır və hazırda təhlükəsiz limana doğru hərəkət edir.

Qeyd edək ki, bu ilin yanvarında da Qara dənizdə Qazaxıstan neftini daşımalı olan tankerlərə pilotsuz uçuş aparatları ilə hücumlar edilmişdi.

Xatırladaq ki, Xəzər Boru Kəməri Konsorsiumunun kəməri vasitəsilə Qazaxıstanın ixrac etdiyi neftin təxminən 80 faizi dünya bazarına nəql olunur.

“Chevron”un rəhbərlik etdiyi “Tengizchevroil” şirkəti əsasən Qazaxıstandakı nəhəng Tengiz yatağından hasil olunan neftin ən böyük ixracatçısıdır.